Otbasy qundylyǵyn nyǵaıtý qajet

«Elimizdegi jańa Negizgi zań jobasy aıasynda qarastyrylyp otyrǵan eń mańyzdy máseleniń biri – genderlik jáne otbasylyq-demografııalyq saıasat. Keıingi jyldary elimizde genderlik teńdikti nyǵaıtý men áıelderge qatysty kemsitýshilikti joıýǵa baǵyttalǵan birqatar naqty ári júıeli shara qabyldandy. Desek te, biz genderlik jáne otbasylyq-demografııalyq saıa­satty jetildirý baǵytynda odan ári naqty qadamdar jasaýymyz qajet», dedi Prezıdenttik ortalyq dırektory Baqytjan Temirbolat.

BUU Áıelder qurylymy­nyń Ortalyq Azııa boıynsha úılestirý keńsesiniń basshysy, Qazaqstandaǵy BUU Áıelder qurylymynyń eldik ókildiginiń ókili Gıýres Djeren Gıývenniń aı­týynsha, genderlik teńdik ınklıýzıvti jáne ornyqty damýdyń negizgi elementi bolyp qala beredi. Saıası kontekstiń ózgerýi, demografııalyq úderister men klımattyń ózgerýi bir jaǵynan jańa múmkindikter ashsa, ekinshi jaǵynan saqtalyp otyrǵan teńsizdikterdi aıqyndaı túsedi.

«Konstıtýsııalyq jańǵyrtý negizgi quqyqtardy rastaýǵa, ıns­tıtýsıonaldyq kepildikterdi nyǵaıtýǵa jáne genderlik teńdiktiń ulttyq damý basymdyqtarynyń ajy­ramas bóligi bolyp qalýyn qam­ta­masyz etýge mańyzdy serpin beredi. Konstıtýsııalyq reforma memlekettik basqarý men quqyq­tyq júıelerde kepildikterdi kúsheı­týdiń quqyqtyq negizin qalyptas­tyrady», dedi BUU ókili.

Sonymen qatar sarapshylar teń quqyqtar men múmkindikterdi qamtamasyz etýge, otbasy, ana men balany qorǵaýǵa baǵyttalǵan jańartylǵan konstıtýsııalyq tásilderge taldaý jasady.

Prezıdent janyndaǵy Áıel­der isteri jáne otbasylyq-demo­g­ra­­fııalyq saıasat jónindegi ult­tyq komıssııa múshesi, «Sıfr­lyq transformasııa» qoǵamdyq qo­ry­nyń negizin qalaýshy Azıza Shý­­jeevanyń pikirinshe, Konstı­týsııanyń jańa redaksııasynda azamattardyń derbes derekterin qorǵaý, sıfrlyq ortadaǵy jeke ómirge qol suqpaý, hat-habar almasý jáne bank qupııasyn saqtaý quqyǵy tikeleı bekitilgen. Osy­laısha, atalǵan kepildikter zań normasy ǵana emes, konstıtýsııalyq mártebege ıe boldy.

Konferensııa qorytyndysynda sarapshylar genderlik saıasatty damytýdyń basym baǵyttaryn aıqyndap, zamanaýı áleýmettik-ekonomıkalyq, mádenı ózgerister jaǵdaıynda otbasylyq qundy­lyqtardy nyǵaıtýdyń mańyzy zor dep atap ótti. Bul baǵyttar ınklıý­zıvti jáne ornyqty qoǵam qalyp­tastyrýǵa negizdelgen.