Sýret: facebook.com/railways.kz
Májilistiń Halyqaralyq ister, qorǵanys jáne qaýipsizdik komıtetiniń tóraǵasy Aıgúl Quspan men depýtat Oljas Quspekov elordada «Qazaqstan temir joly» AQ fılıaly – Temirjol kóligi personalyn baǵalaý jáne damytý ortalyǵyna bardy. Kásiporyn ujymymen kezdesýde konstıtýsııalyq ózgerister aıasyndaǵy eńbek qaýipsizdigi jáne qyzmetkerlerdiń quqyǵyn qorǵaý máseleleri talqylandy.
Depýtat Dúısenbaı Turǵanov Atyraý jurtshylyǵymen kezdesti. Atyraý munaı óńdeý zaýytynyń ujymymen bolǵan kezdesýde ol 15 naýryzǵa belgilengen referendým barshaǵa óz ustanymyn bildirýge jáne eldiń bolashaǵyna yqpal etýge múmkindik beretinin aıtty. Depýtattyń aıtýynsha, jańa Konstıtýsııany ázirleý keń qoǵamdyq talqylaýmen qatar júrdi. Azamattardyń usynystary eGov jáne eOtinish sıfrlyq platformalary arqyly kelip túsip, ondaǵy bastamalardy Konstıtýsııalyq komıssııa ashyq formatta qarady.
«Memleket basshysy atap ótkendeı, elimizdegi reformalar eshqashan mundaı keń ári jalpyhalyqtyq deńgeıde talqylanǵan emes. Bul – «Halyq únine qulaq asatyn memleket» tujyrymdamasynyń aıqyn kórinisi. Usynylǵan ózgerister – keıingi jyldardaǵy saıası jańǵyrýlardyń qısyndy jalǵasy», dedi D.Turǵanov.
Kezdesý barysynda kásiporyn qyzmetkerleri ekologııalyq kún tártibi boıynsha suraqtar qoıdy. Depýtat qujatta alǵash ret memlekettik saıasat qaǵıdattarynyń biri retinde ekologııalyq mádenıetti qalyptastyrý bekitilip, qorshaǵan ortany qorǵaý basymdyqtar qataryna engizilgenin aıtty.
Osyndaı kezdesý 10 myńnan asa stýdent bilim alatyn Halel Dosmuhamedov atyndaǵy Atyraý ýnıversıtetinde de ótti. Basqosýda jańa jalpyulttyq dıalog alańy – Halyq keńesin qurý, sondaı-aq Vıse-prezıdent ınstıtýtyn engizý máseleleri qyzyǵýshylyq týdyrdy.
Stýdentter men oqytýshylar adam kapıtalyn qalyptastyrý men damytýǵa qatysty normalarǵa erekshe nazar aýdardy. Jobada memlekettik mekemelerdegi orta bilimniń mindettiligi men kepildigi, ǵylym men ınnovasııany damytý strategııalyq basym baǵyttar retinde bekitiledi. Kezdesýge qatysýshylardyń pikirinshe, bul pedagog mamandyǵynyń áleýmettik mańyzyn kúsheıtip, jastardyń turaqty damýyna jaǵdaı jasaıdy.
D.Turǵanovtyń «Atyraý oblysy sý arnasy» ujymymen kezdesýde ekologııalyq bastamalar men tabıǵı resýrstardy utymdy paıdalaný máseleleri sóz boldy.
«QazTransOıl» kompanııasynyń ujymymen ótken jıynda senator Gennadıı Shıpovskıh pen Májilis depýtaty Marat Báshimov reformalardyń keleshegin talqylady. Kezdesýge elimizdiń 12 óńirinen jáne sheteldik fılıaldardan kelgen bólimshelerdiń qyzmetkerleri qatysty.
Depýtattar jańa Konstıtýsııa jobasynyń negizgi erejeleri týraly baıandap, qyzmetkerlerdiń suraqtaryna jaýap berdi. Olar usynylǵan ózgerister eńbek kepildigine, kásibı turǵyda ósýge, zamanaýı tehnologııalardy engizýge jáne ınfraqurylymdy damytýǵa qalaı áser etetinin aıtty.
Sonymen qatar Májilis depýtattary Marat Báshimov, Nurgúl Taý, Pavel Kazansev Mádenıet jáne aqparat mınıstrliginiń ujymymen kezdesti. Dıalog barysynda jańa Konstıtýsııanyń basty normalary, adam quqyǵy men erkindigine basymdyq berilýi, quqyqtyq memleket qaǵıdattaryn nyǵaıtý, bılik tarmaqtarynyń arajigin ajyratý jáne memlekettiń zaıyrly sıpatyn saqtaý máseleleri qarastyryldy.
Al Astanada depýtattar Nurlan Áýesbaev pen Ajar Saǵyndyqova óńirlerdiń belsendi jastarymen kezdesti. Jıynǵa qatysýshylar usynylǵan konstıtýsııalyq ózgeristerge, olardyń memlekettik basqarý júıesine áserine jáne azamattardyń quqyǵyn qorǵaý tetikterine qyzyǵýshylyq tanytty. Jastar reformalar aıasyndaǵy ózgeristerge de nazar aýdardy.
