Foto: Exyuaviation.com
Olardyń arasynda kishkentaı balalary bar otbasylar da bar. Jolaýshylardy elge qaıtarý sharalary barlyq qaýipsizdik talaptaryn saqtaı otyryp uıymdastyryldy.
Azamattardy elge jetkizý jumystary múddeli memlekettik organdarmen jáne ózge de áýe tasymaldaýshylarmen úılestirile otyryp jalǵasyp jatyr. Quzyrly mekemeler shetelde júrgen qazaqstandyqtardyń elge oralýyn qamtamasyz etý baǵytynda keshendi sharalar qabyldap jatyr.
Taıaý Shyǵys elderinen Qazaqstanǵa 946 otandasymyz aman-esen jetkizildi
Áýe kompanııasy tarapynan reısterdiń turaqtylyǵy men jolaýshylar qaýipsizdigine erekshe mán berilip otyr. Qajet bolǵan jaǵdaıda qosymsha reıster uıymdastyrý múmkindigi de qarastyrylady.
Eske sala keteıik, Izraıl 28 aqpan, senbi kúni tańerteń Iranǵa soqqy jasady. Dýbaı, Abý-Dabı jáne Ras-el-Haımada júrgen Qazaqstan azamattary reısterdiń toqtatylýyna baılanysty elge qaıta almaı otyr. Al «Qazposhta» Taıaý Shyǵystaǵy jaǵdaıdyń shıelenisýine baılanysty halyqaralyq poshta jóneltilimderine ýaqytsha shekteýler qoıylǵanyn málimdedi.
Búǵan deıin Taıaý Shyǵystaǵy qaqtyǵys saldarynan 13 reıs toqtatylǵanyn jazǵan bolatynbyz. Sondaı-aq Taıaý Shyǵystaǵy ahýaldyń ýshyǵýyna baılanysty Qazaqstannyń shet elderdegi mekemeleriniń jedel baılanys jáne «jedel jeli» nómirleriniń iske qosylǵany habarlanǵan edi.
Keshe Dýbaıdan Oman arqyly 467 otandasymyz elge jetkizildi. Sonymen qatar Flydubai áýe kompanııasy Dýbaı qalasynan Astana jáne Almaty qalalaryna eki evakýasııalyq reısti oryndady. Búginge deıin elimizge Taıaý Shyǵys elderinen 946 jolaýshy qaıtarylǵan.
