Foto: ShQO ákimdigi
О́ńirde kópbalaly otbasylardy qoldaý baǵytyndaǵy jumystar júıeli túrde júrgizilip keledi. Sonyń biri – mereke qarsańynda kórsetiletin áleýmettik kómek. Tólem marapattalǵan analarǵa, sondaı-aq tórt jáne odan da kóp kámeletke tolmaǵan balasy bar analarǵa beriledi.
8 naýryz qarsańynda kópbalaly analarǵa beriletin járdemaqy mólsheri qandaı?
Oblys ákimdiginiń málimetinshe, 2026 jyldyń 1 naýryzyndaǵy jaǵdaı boıynsha óńirde 13 492 kópbalaly ana turady. Olardyń ishinde 4 234 ana «Kúmis alqa» alqasymen marapattalǵan, sondaı-aq «Batyr ana» ataǵyn alǵan nemese I jáne II dárejeli «Ana dańqy» ordenderiniń ıegerleri bar. Al 9 258 ana tórt jáne odan da kóp birge turatyn kámeletke tolmaǵan balany tárbıelep otyr.
Bul sanatqa kámelet jasyna tolǵanymen, kolledjderde nemese joǵary oqý oryndarynda kúndizgi bólimde bilim alyp júrgen balalar da oqýyn aıaqtaǵanǵa deıin esepke alynady.
О́ńirde kópbalaly analardy áleýmettik turǵyda qoldaý máselesine erekshe nazar aýdarylyp, olardyń ál-aýqatyn arttyrýǵa baǵyttalǵan sharalar aldaǵy ýaqytta da jalǵasady.
