Aımaqtar • 05 Naýryz, 2026

Terezeden syǵalap, mazasyn alǵan: Atyraý oblysynda stalkıng týraly jańa bap negizinde úkim shyqty

1 mın

oqý úshin

Qazaqstanda Qylmystyq kodekstiń jańa 115-1 baby – stalkıng boıynsha alǵashqy sot úkimderiniń biri jarııalandy. Atyraý oblysy Qurmanǵazy aýdanynyń turǵyny beıtanys áıeldi júıeli túrde ańdyǵany úshin kináli dep tanyldy, dep habarlaıdy Egemen.kz.

Qyrmyzy JUMAǴALIQYZY

Terezeden syǵalap, mazasyn alǵan: Atyraý oblysynda stalkıng týraly jańa bap negizinde úkim shyqty

Foto: Shutterstock

Is materıaldaryna súıensek, S.K. esimdi azamat 2025 jyldyń qyrkúıek aıynan bastap jábirlenýshiniń úıine jıi kelip, terezesinen syǵalap, onyń mazasyn alǵan. Mundaı «shamadan tys nazardan» sharshaǵan áıel polısııaǵa shaǵymdanǵan. Sot bul áreketti jábirlenýshiniń psıhologııalyq jaǵdaıyna zııan keltirgen zańsyz ańdý dep tanyp, er adamdy 200 saǵat qoǵamdyq jumysqa jekti.

Stalkıng: Qyzylordada boıjetkendi ańdyǵan azamat 25 táýlikke qamaldy

Eske sala keteıik, 2025 jyldyń shildesinen bastap elimizde bireýdiń erkinen tys qarym-qatynas ornatýǵa tyrysý nemese ańdý resmı túrde qylmys bolyp sanalady. Tipti fızıkalyq kúsh qoldanylmasa da, adamnyń tynyshtyǵyn buzǵan «stalkerler» 50 táýlikke deıin qamalýy nemese 200 AEK kóleminde aıyppul arqalaýy múmkin.