Sot materıaldaryna sáıkes, 2025 jyldyń aqpan aıynda jasóspirim rasıstik baǵyttaǵy skınhedter qozǵalysynyń jaqtaýshysy bolyp, Telegram messendjerinde Skinheads industries-Semey atty chat qurǵan. Ol toptyń ákimshisi retinde ulttyq negizde adamdardy kemsitetin jazbalar men aýdıohabarlamalar jarııalaǵan. Atap aıtqanda, Úndistannan kelgen stýdentter men olardyń mádenıetine qatysty qorlaıtyn pikirler aıtqan.
Pavlodarda áskerden bosatýǵa ýáde berip, mıllıondardy jymqyrǵan ofıser jazalandy
Sonymen qatar, ol chatqa óz kózqarasyn qoldaıtyn adamdardy tartyp, onyń ishinde kámeletke tolmaǵandardy da qosylýǵa shaqyryp, Semeıde ekstremıstik ıdeıalardy taratýǵa árekettengen.
Jasóspirim óz kinásin tolyq moıyndap, jasaǵan isine ókinetinin bildirdi. Sot onyń kámeletke tolmaǵanyn, buryn sottalmaǵanyn jáne kinásin moıyndaǵanyn jeńildetetin mán-jaılar retinde eskerdi.
Nátıjesinde sot oǵan 1 jyl 4 aı merzimge bas bostandyǵyn shekteıtin jaza taǵaıyndady. Úkim zańdy kúshine endi.
Semeıde jańa Konstıtýsııa týraly jalǵan aqparat taratqan turǵyn jazalandy
