Sýretterdi túsirgen – avtor
Kórme ekspozısııasyna Ulttyq ortalyq mýzeı qorymen qatar Arqalyq qalasyndaǵy «Dala ólkesi tarıhy» mýzeıi, Yqylas atyndaǵy mýzykalyq aspaptar mýzeıi qorlarynan alynǵan biregeı jádigerler qoıylyp, tarıh pen mádenıettiń tereń tamyryn aıǵaqtaıtyn qundy buıymdar arqyly qaıratkerdiń el rýhanııatyna sińirgen eńbegi jan-jaqty tanystyryldy.
Konferensııanyń basty maqsaty – О́zbekáli Jánibekovtiń ómir joly men qoǵamdyq qyzmetin, ulttyq mádenıetti jańǵyrtýdaǵy tarıhı rólin, tarıhı-mádenı murany saqtaý baǵytyndaǵy súbeli eńbekterin ǵylymı turǵydan zerdeleý. Sonymen qatar onyń tulǵalyq fenomenin qazirgi ulttyq sana konteksinde taldap, óskeleń urpaqqa ónege etý kózdeldi.
«Qazaq rýhanııatynyń jańǵyrý jolynda О́zbekáli Jánibekov esimi aıryqsha qurmetpen atalady. Ol ulttyq qundylyqtardy júıeli túrde zerttep, etnografııa, mýzeı isi, tarıhı murany qalpyna keltirý baǵyttaryna tyń serpin berdi. Onyń bastamasymen kóptegen tarıhı-mádenı eskertkish qaıta jańǵyrtylyp, óńirlik mýzeılerdiń jumysy jandandy. Ulttyq tarıhty zertteý men nasıhattaý isi jańa deńgeıge kóterildi. Búginde ulttyq biregeılik pen tarıhı jadty saqtaý – ýaqyt talaby. Osy oraıda konferensııa ǵalymdar, mádenıettanýshylar, mýzeı qyzmetkerleri men jas zertteýshiler úshin pikir almasý alańyna aınalyp otyr. Jas býynnyń ǵylymı izdenisterin qoldaý – rýhanı sabaqtastyqtyń kepili. Ulttyq murany ulyqtaý arqyly biz tarıhı sanany jańǵyrtyp, bolashaqqa nyq qadam basamyz», deıdi Ulttyq ortalyq mýzeıiniń dırektory Serjan Sarov.
О́zbekáli Jánibekov dástúrli qolónerdi, ulttyq kıim úlgilerin, mýzykalyq aspaptardy zerttep, keńinen dáripteýge aıryqsha kóńil bóldi. Onyń tikeleı yqpalymen qasıetti Taıqazan elge qaıtarylyp, tarıhı ádilettilik qalpyna keltirildi. Sondaı-aq ol Naýryz merekesiniń qaıta jańǵyrýyna uıytqy bolyp, halyqtyń rýhanı sanasynyń jańarýyna zor úles qosty.
Kórmege qaıratkerdiń san qyrly qyzmetin aıǵaqtaıtyn qundy eksponattar qoıyl-ǵan. Olardyń qatarynda О́.Jánibekovtiń Ulttyq mýzeı qoryna ózi tapsyrǵan Qajymuqan Muńaıtpas-ulyna tıesili tymaq, jary Qalıhan apamyz tabystaǵan dombyra, ústel ústindegi kitap pishindes saǵat, Yqylas mýzeıi qoryndaǵy taqııasy men shapany, daýylpaz aspaby bar. Sonymen birge Arqalyqtaǵy mýzeı ekspozısııasyn jasaqtaý barysynda jınaqtalǵan astaý, sáýkele, qoltańbasy qoıylǵan «Ýaqyt kerýeni» kitaby, «Sherter» ansambliniń afıshasy, ulttyq kıim úlgileriniń eskızderi de jurt nazaryna usynylǵan.
Taǵylymdy sharada Halyqaralyq túrki mádenıeti men murasy qorynyń prezıdenti Aqtoty Raıymqulova, aqyn Ádilǵazy Qaıyrbekov, sýretshi-restavrator Qyrym Altynbekov, Arqalyqtaǵy «Dala ólkesi tarıhy» mýzeıiniń dırektory Raýan Terek, taǵy basqalar baıandama jasap, О́zbekáli álemi – ulttyq murany ulyqtaýdyń, tarıhı sanany jańǵyrtýdyń jarqyn joly ekenin aıtty.
ALMATY
