Dárigerler JI kómegimen ınsýlt pen onkologııalyq aýrýlardy erte anyqtap jatyr

Mańyzdy baǵyttardyń biri – ınsýltti erte kezeńde anyqtaý. Cerebra avtomattandyrylǵan dıagnostıka júıesi elimizdiń 9 ınsýlt ortalyǵynda engizilgen.

Insýlt derti «jasaryp» barady

Bul tehnologııa ınsýlt belgilerin jedel anyqtaýǵa múmkindik beredi, sonyń arqasynda klınıkalyq sheshimderdi tez qabyldaý jáne emdeýdi der kezinde bastaý múmkindigi týady. Júıeni engizý nátıjesinde trombolıtıkalyq terapııany qoldaný 40%-ǵa artty. 2026 jyly bul sheshimdi 33 ınsýlt ortalyǵyna deıin keńeıtý josparlanyp otyr.

Jas ǵalym mı ınsýltiniń aldyn alatyn ádis oılap tapty

Onkologııalyq aýrýlardy erte anyqtaý úshin WDSoft kompanııasynyń ázirlegen sheshimderi qoldanylady. Radıologııalyq keskinderdi taldaý kezinde jasandy ıntellekt sút bezi men ókpe obyryn erte kezeńde anyqtaýǵa múmkindik beredi.

JI qoldanýdyń arqasynda onkologııalyq aýrýlardy anyqtaý kórsetkishi 32%-ǵa artty, al dıagnostıka jasaý ýaqyty 40 mınýttan 10 mınýtqa deıin qysqardy. Qazirgi tańda bul joba elimizdiń 12 óńirindegi 190 medısınalyq uıymǵa engizilgen jáne ony odan ári keńeıtý jalǵasyp jatyr.

Pavlodarda qansha adam onkologııalyq aýrýlarǵa shaldyqqan?

Stomatologııada Aidentis sheshimderi rentgen sýretterin avtomatty taldap, patologııalyq ózgeristerdi anyqtap, emdeý boıynsha usynymdar beredi. Nátıjesinde keskinderdi taldaý ýaqyty 1 saǵattan 1 mınýtqa deıin qysqardy.

Barlyq sıfrlyq sheshimder Medısınalyq derekterdiń biryńǵaı qoımasy bazasynda iske asyrylady. Bul medısınalyq aqparattyq júıelerdiń ıntegrasııasyn qamtamasyz etedi.