Aıdos Sarym Memleket basshysynyń jańa Konstıtýsııa jobasyn ázirleýge alǵashqy kúnderden bastap belsendi qatysqanyn atap ótti.
«Memleket basshysy Parlamenttik reforma jónindegi Jumys tobynyń qyzmetin alǵashqy kúnderden bastap óte muqııat baqylap otyrǵany barshaǵa aıan. Ol Jumys tobynyń jetekshisin qabyldap, top múshelerimen kezdesip otyrdy, óz ıdeıalaryn aıtyp, baǵyt-baǵdar berdi», dedi Aıdos Sarym.
Májilis depýtatynyń aıtýynsha, jańa Ata zańdy qabyldaý qajettigi el azamattarynan túsken usynystardyń orasan zor kólemin taldaý nátıjesinde aıqyn boldy.
«Halyqtan myńdaǵan usynys túsip, prosess keń aýqymǵa ıe bolǵan kezde, Prezıdent Jumys tobynyń múshelerin týra Quryltaı qarsańynda jınap, alda bolatyn aýqymdy ózgerister týraly málimdedi. Ol Konstıtýsııalyq sot pen basqa da memlekettik organdardyń atyna túsken usynystardyń formaty, mazmuny men kólemi jańa Konstıtýsııany qabyldaý qajettigin aıqyn kórsetetinin aıtty», dedi A. Sarym.
Sondaı-aq, Aıdos Sarym Prezıdenttiń qujatty ázirleý barysynda sarapshylar qaýymdastyǵymen belsendi ári tyǵyz jumys istegenine erekshe nazar aýdardy.
«Buǵan ózderińiz de kýá boldyńyzdar. Konstıtýsııalyq komıssııanyń jumysy barysynda Memleket basshysy onyń jetekshisimen birneshe ret kezdesti. Ol Konstıtýsııalyq sottyń tóraǵasyn jáne basqa da uıymdardyń basshylaryn qabyldady. Bul Prezıdenttiń jumysqa tikeleı ózi aralasyp otyrǵanyn kórsetedi», dedi ol.
Talǵat Qalıev: Jańa Konstıtýsııa memlekettik ınstıtýttardy nyǵaıtyp, eldiń turaqtylyǵyn arttyrady
Sóz sońynda depýtat Memleket basshysynyń jańa Konstıtýsııany ázirleýdegi aıryqsha róline toqtalyp, ony konstıtýsııalyq reformanyń basty arhıtektory dep atady.
«Sondyqtan Prezıdentimizdi jańa Ata zańnyń negizgi avtorlarynyń biri ári arhıtektory dep aıtýǵa bolady. Bul myzǵymas aqıqat», dep túıindedi sózin Aıdos Sarym.
