Is-shara barysynda qatysýshylar jańa Konstıtýsııa jobasynyń negizgi erejelerin jáne ornyqty memlekettiń ınstıtýsıonaldyq arhıtektýrasyn qalyptastyrýǵa baǵyttalǵan ózgeristerdi talqylady.
Talqylaý aıasynda bilimge negizdelgen qoǵamdy damytý, bilim berý júıesin jetildirý, ınnovasııalardy qoldaý jáne azamattardyń sıfrlyq quqyqtaryn qamtamasyz etý máseleleri erekshe nazarda boldy.
Bilim Group kompanııasynyń negizin qalaýshy ári jetekshisi, halyqaralyq «Qazaq tili» qoǵamynyń prezıdenti Raýan Kenjehanuly Konstıtýsııa qoǵamnyń qundylyqtaryn aıqyndaıtyn strategııalyq qujat ekenin atap ótti.
Onyń aıtýynsha, qazirgi álemde ekonomıkalyq ósimniń basty kózi tabıǵı resýrstar emes, bilim men adam kapıtaly bolyp otyr.
Nıkıta Shatalov jastardy referendýmǵa qatysýǵa shaqyrdy
«Konstıtýsııa – tek quqyqtyq normalardyń jıyntyǵy emes. Ol qoǵam qabyldaǵan qundylyqtardyń kórinisi jáne ulttyń bolashaq damý baǵytyn aıqyndaıtyn strategııalyq qujat. Búginde memleketterdiń básekege qabilettiligi bilim men zııatkerlik áleýetke tikeleı baılanysty», dedi sarapshy.
Ol qazirgi kezeńde ǵylym men tehnologııanyń qarqyndy damýy ekonomıkanyń jańa modelin qalyptastyryp jatqanyn atap ótti. Álem elderi arasyndaǵy báseke tek taýar naryǵynda ǵana emes, bilim, ǵylym jáne tehnologııa salasynda da kúsheıip keledi. Ýnıversıtetter, ǵylymı zerthanalar men tehnologııalyq kompanııalar ekonomıkalyq ósimniń negizgi draıverlerine aınalyp keledi.
Aıdos Sarym: Memleket basshysy – jańa Ata zańnyń negizgi avtory
Sarapshynyń pikirinshe, Fınlıandııa, Ońtústik Koreıa jáne Sıngapýr sııaqty elderdiń tájirıbesi bilim men tehnologııaǵa negizdelgen damý strategııasynyń tıimdi ekenin kórsetedi.
Sonymen qatar álemde sıfrlyq transformasııa qarqyn alyp keledi. Jasandy ıntellekt, úlken derekter jáne sıfrlyq platformalar ekonomıka men qoǵam qurylymyn ózgertip jatyr. Bul óz kezeginde azamattardyń sıfrlyq quqyqtaryn qorǵaý, derbes derekterdiń qaýipsizdigi jáne sıfrlyq teńsizdik máselelerin ózekti etedi.
Raýan Kenjehanulynyń aıtýynsha, jahandyq ózgerister aıasynda Qazaqstan úshin de jańa múmkindikter ashylyp otyr.
«Qazaqstannyń basty artyqshylyǵy – tabıǵı resýrstar men adam kapıtalynyń úılesimi. Endigi mindet – tabıǵı baılyqty tehnologııalyq jáne zııatkerlik kapıtalǵa aınaldyrý», dedi ol.
Nurbek Matjanı: Jańa Konstıtýsııa senzýraǵa tyıym salyp, sóz bostandyǵyna kepildik beredi
Sarapshynyń pikirinshe, bul baǵytta Konstıtýsııanyń róli erekshe. Jańa konstıtýsııalyq ózgerister adam kapıtalyn damytýǵa, bilim men ǵylymdy qoldaýǵa, ınnovasııalardy yntalandyrýǵa jáne azamattardyń sıfrlyq quqyqtaryn qorǵaýǵa basymdyq beredi.
Onyń aıtýynsha, búgingi tańda álemde «bilim ulttarynyń» dáýiri bastalyp keledi. Qazaqstannyń da osyndaı memleketterdiń qataryna qosylýyna tolyq múmkindik bar.
«Jańa Konstıtýsııa tabıǵı baılyqty zııatkerlik kapıtalǵa aınaldyrýǵa jáne qoǵamdy bilimge negizdelgen damý jolyna baǵyttaýǵa múmkindik beredi», dep túıindedi sarapshy.
