Munaı óndirý kólemi arta bermek

Elimiz egemendigin alǵaly beri, 1991 jyldary 25 mıllıon tonnadan bastaý alǵan munaı óndirý kólemi bertin kele artyp, 2014 jyldyń esebi boıynsha 80,8 mıllıon tonnaǵa ósken. Ol degenimiz, bastapqydan 3 esege ulǵaıǵanyn kórsetip otyr.  Bul kólemmen toqtamaı, álemde bolyp jatqan ekonomıkalyq ahýaldarǵa qaramastan, bizdiń elde munaı óndirý kólemin arttyrý josparda bar. Aıtar bolsaq, 2017 jyly 86 mıllıon tonna, al 2020 jyldarǵa qaraı 104 mıllıon tonna óndirýge jaǵdaılar jasalýda. Bul jóninde Prezıdent janyndaǵy Ortalyq kommýnıkasııalar qyzmetinde ótken jıynda Energetıka vıse-mınıstri Uzaqbaı Qarabalın málim etti.  Sonymen qatar ol, munaı óndirýden alda turǵan elimizdegi birqatar kóshbasshy óńirlerdi  atap ótti. Onyń aıtýynsha, birinshi orynda turǵan  Atyraý oblysy, bir jyldyq munaı óndirý kólemi  32,2 mıllıon tonna, odan keıingi – 18,5 mıllıon tonna kólem kórsetkishimen Mańǵystaý oblysy tur, sonymen qatar Batys Qazaqstan oblysy 13,1 mıllıon tonna munaı óndirgen. Sonymen birge, U.Qarabalın munaı kóleminiń artýy jaǵynan alda turǵan birneshe kompanııalardy da habarlady. Atap aıtqanda, birinshi orynda «Teńizshevroıl» JShS tur, ol ótken jyldyń esebi boıynsha bir jylda 26,7 mıllıon tonna munaı óndirgen. Kelesi orynǵa jylyna 12,2 mıllıon tonna munaı óndirgen «Qarashyǵanaq Petroleým Opereıtıng» kompanııasy shyqty, deıdi vıse-mınıstr. Jáne de odan keıingi kezekterde «QazMunaıGaz», «Mańǵystaýmunaıgaz», «Aqtóbemunaıgaz», «Qazgermunaıgaz» t.b. sekildi kompanııalardyń attary ataldy. U.Qarabalın málim etkendeı, paıdaly qazbanyń mol qorynyń arqasynda, bizdiń elimiz munaıly elderdiń arasynda 12-shi orynǵa ıe.  80,8 mıllıon tonna kórsetkishpen munaı óndirýden Qazaqstan 17-shi orynǵa shyqty, dedi vıse-mınıstr. Elmıra MÁTIBAEVA, «Egemen Qazaqstan».