Sýret: aqmeshit-zhastary.kz
Kúndelikti qym-qýyt tirshilikte qoǵamǵa paıdaly ispen aınalysatyn, mamandyǵyna adal, sózine, isine berik jandardy kórsek, júregimiz jylyp sala beredi. Isimiz túsken adam máselemizdi sheshe qoısa, alǵysymyzdy jaýdyryp, yqylas-iltıpatymyzdy bildiremiz. «Jaqsynyń jaqsylyǵyn aıt, nury tasysyn» deıdi. Alǵysymdy jetkizgeli otyrǵan Seısepkúl Sıhymbaeva da sondaı jaqsy, jaısań adam.
Jasy toqsanǵa kelgen adamnyń aýyrmaıtyn, syzdamaıtyn jeri bolmaıdy. Mysaly, ózim bir búıirime taıanyp, jambas tusym jar bermeı uzaq júrdim. Dárigerge de aqsańdap ázer jettim. Baqytyma qaraı, qoly shıpaly synyqshynyń eminen keıin jaǵdaıym biraz jaqsaryp qaldy. Quddy qazir dáriger aýyrǵan jerimdi túbirimen julyp tastaǵandaı kúıdemin. Emsharany tolyq alyp bolǵan soń, halim búgingiden de jaqsara túsetinine ımandaı senip otyrmyn. Badam stansasynda turatyn Seısepkúldiń ózine, otbasyna amandyq, saýlyq tileımin. Baq qarasyn, Qydyr darysyn!
Temir RAIJANOV,
eńbek jáne tyl ardageri
Túrkistan oblysy,
Báıdibek aýdany,
Aqtas aýyly
