Qazaqstan Respýblıkasy Úkimetiniń qaýlysy № 690

2010 jylǵy 3 shilde  Astana, Úkimet úıi “Y.Altynsarınniń eskertkishi” respýblıkalyq mańyzy bar tarıh jáne mádenıet eskertkishiniń ornyn aýystyrý týraly “Tarıhı-mádenı mura obektilerin qorǵaý jáne paıdalaný týraly” Qazaqstan Respýblıkasynyń 1992 jylǵy 2 shildedegi Zańynyń 38-baby 1-tarmaǵynyń 1) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qostanaı qalasy, Y.Altynsarın kóshesi, 118 “a” mekenjaıy boıynsha Y.Altynsarın murajaıynyń janynda ornalasqan “Y.Altynsarınniń eskertkishi” respýblıkalyq mańyzy bar tarıh jáne mádenıet eskertkishi Qostanaı qalasy, Y.Altynsarın kóshesi, 118 A mekenjaıy boıynsha Y.Altynsarın atyndaǵy mektep-ınternattyń shaǵyn baǵyna aýystyrylsyn. 2. “Respýblıkalyq mańyzy bar Tarıh jáne mádenıet eskertkishteriniń memlekettik tizimin bekitý týraly” Qazaqstan Respýblıkasy Úkimetiniń 2008 jylǵy 21 naýryzdaǵy № 279 qaýlysyna (Qazaqstan Respýblıkasynyń PÚAJ-y, 2008 j., № 16, 147-qujat) mynadaı ózgerister engizilsin: kórsetilgen qaýlymen bekitilgen Respýblıkalyq mańyzy bar Tarıh jáne mádenıet eskertkishteriniń memlekettik tiziminde: rettik nómiri 130-joldyń 4-baǵanynda “118 “a”, Y.Altynsarın murajaıynyń jany” degen sózder “118 A, Y. Altynsarın atyndaǵy mektep-ınternattyń shaǵyn baǵy” degen sózdermen aýystyrylsyn. 3. Qazaqstan Respýblıkasy Mádenıet mınıstrligi Qostanaı oblysynyń ákimdigimen birlesip, osy qaýlydan týyndaıtyn ózge de sharalardy qabyldasyn. 4. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri                       K.MÁSIMOV.