Kelissózder jemisi

Keshe Premer-Mınıstrdiń orynbasary B. Saparbaev «Kannam Severans» klınıkasy men densaýlyq ındýstrııasyn damytý ınstıtýtynyń jáne halyqaralyq densaýlyq ortalyǵynyń basshylarynan turatyn Koreıa Respýblıkasynyń delegasııasymen kezdesti. Qazaqstan tarapynan kezdesýge Densaýlyq saqtaý jáne áleýmettik damý, Bilim jáne ǵylym mınıstrlikteriniń, sondaı-aq, ál-Farabı atyndaǵy Qazaq memlekettik ýnıversıtetiniń basshylary qatysty. Kelissózder júrgizý barysynda taraptar Qazaqstan men Koreıanyń densaýlyq saqtaý salasynda qarym-qatynastyń  qarqyndy damyp kele jatqanyn atap ótti. Beıindi mınıstrlikterdiń arasynda bekitilgen memorandýmdar aıasynda Koreıanyń emhanalarynda qazaqstandyqtardy emdeý, sonymen qatar, otandyq mamandardy oqytý júıeli túrde júrgiziledi. 2014 jylǵy jeltoqsanda ál-Farabı atyndaǵy Qazaq memlekettik ýnıversıtetiniń negizinde atalǵan ýnıversıtet pen Kannam Severans emhanasynyń birlesýimen dıagnostıkalyq ortalyq ashyldy. Qazirgi tańda atalǵan emdeý mekemesimen ózara baılanysty Shyǵys Qazaqstan oblysy bel­sendi júzege asyryp keledi. Bul óńir­diń aýdandarynda turatyn halyq úshin koreı dárigerleriniń qaty­sýymen sheberlik synyptary, emdelýshilerge keńes berý boı­ynsha qabyldaýlar uıymdas­tyrylady. Sonymen birge, О́ske­men qalasynda ornalasqan Ońal­tý ortalyǵyna mamandar daıar­lanyp, oblystyq emhanaǵa qym­bat dıagnostıkalyq jabdyq syı­ǵa tartylǵan. Osy jyly Qazaq­stanǵa «Kannam Severans»  emhana­syndaǵy ataqty dárigerlerdiń kúrdeli operasııalar jasaýǵa tegin negizde kelýi josparlanǵan. Sondaı-aq, kezdesý barysynda ekijaqty qarym-qatynastardy odan ári nyǵaıtý jáne damytý, sonymen qatar, medısınalyq or­talyqtyń qurylysy jáne óńir­lerdegi jedel járdem júıesin mo­dernızasııalaý jobalaryn iske asyrý máseleleri talqylandy, dep habarlady Premer-Mınıstrdiń baspasóz qyzmeti.