Kelisip pishken ton kelte bolmas

Memleket basshysy Nursultan Nazarbaev Pre­mer-Mınıstr Kárim Mási­movpen konsýltasııa ótkizdi, dep habarlady Prezıdenttiń baspasóz qyzmeti. Kezdesý barysynda Memleket basshysy bıliktiń zań shyǵarýshy jáne atqarýshy tarmaqtary bas­shy­larymen konsýltasııalar el turǵyndary men túrli uıym­dar­dyń Prezıdent saılaýyn ótkizýge qatysty oı-pikirlerine baılanys­ty ótkizilip otyrǵanyn aıtty. – Halyq memleket júzege asy­ryp jatqan baǵdarlamalar jal­ǵas­tyrylyp, óz máresine jetkiziledi, al olardyń nátıjeleri jurttyń ómirin jaqsartýǵa múmkindik beredi dep kútip otyr. Bul másele ınvestorlar úshin senimdilik berip, jańa perspektıvalarǵa jol ashatyndyqtan mańyzdy mánge ıe, – dedi Nursultan Nazarbaev. K.Másimov qoǵamda Prezıdent saı­laýyn ótkizý máselesi bel­sen­di talqylanyp jatqanyn qýattady. – Úkimet saılaý ótkizý úshin zańdyq turǵydan kedergi kó­rip turǵan joq. Is júzindegi qı­syn­dylyq jóninen, Sizdiń «Nur­ly Jol» Joldaýyńyz der kezin­de jasalyp, el ishinde jáne syr­tynda joǵary baǵalandy. Son­daı-aq, Siz «Qazaqstan-2050» Stra­tegııasynda uzaq merzimdi is-qı­myl josparyn usyndyńyz. Osy­ǵan baılanysty saılaý ótki­zý máselesi der kezinde kóte­rildi, óıtkeni, ol atalǵan shara­lardyń bárin júzege asyrý úshin qosymsha mandat beredi. Jalpy alǵanda, saılaý Qazaqstannyń turaqty damýy úshin qajetti se­nimdi eseleı túsedi,  – dedi Pre­mer-Mınıstr.