Foto: Ashyq derekkóz
«QazAvtoJol» ulttyq kompanııasy 17 naýryz saǵat 09:00-degi jaǵdaı boıynsha «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 776-1153 shaqyrym aralyǵynda (EKO Oıl JQS – Yrǵyz aýyly) kólik qozǵalysyna ýaqytsha shekteý engizilgenin habarlady.
Atalǵan joldy sol kúni saǵat 18:00-de ashý josparlanyp otyr.
Sondaı-aq osy óńirde «Qostanaı – Rýdnyı – Denısovka – Komsomolskoe – Qarabutaq» avtojolynyń 5-234 shaqyrym aralyǵy (Qarabutaq aýyly – Qostanaı oblysynyń shekarasy) da jabyq.
Jalpy, elimiz boıynsha dál osy ýaqytta 2 oblystaǵy 5 respýblıkalyq avtojol ýchaskesinde qozǵalysqa shekteý qoıylǵan.
Qostanaı oblysynda kelesi baǵyttarda qozǵalys ýaqytsha toqtatyldy:
- «Qostanaı – Rýdnyı – Denısovka – Komsomolskoe – Qarabutaq» avtojolynyń 234-320 shaqyrymy (Aqtóbe oblysynyń shekarasy – Bestóbe aýyly);
- Atalǵan joldyń 320-501 shaqyrymy (Bestóbe aýyly – Rýdnyı qalasy);
- «Qostanaı – Áýlıekól – Surǵan» avtojolynyń 8-218 shaqyrymy (Tobyl qalasy – Oktıabrskoe aýyly);
- «Astana – Atbasar – Jaqsy – Rýzaevka – Sarykól – Qostanaı – RF shekarasy» avtojolynyń 555-682 shaqyrymy (Tobyl qalasy – Sarykól kenti).
Qazirgi ýaqytta respýblıkalyq joldardy kútip-ustaý jumystaryna 935 birlik arnaıy tehnıka jumyldyrylǵan.
Joldaǵy ahýalǵa baılanysty qosymsha málimetti 1403 baılanys ortalyǵyna habarlasyp bilýge bolady.
Jańbyr jáne tuman: 17 naýryzda elimizde aýa raıy qandaı bolady?
