Qazaq Air avıakompanııasy bıletiniń quny belgili boldy

ALMATY. 14 tamyz. Qazaq Air avıakompanııasynyń jolaýshylar ushaǵy birinshi saparyn 27 tamyz kúni Almatydan Astanaǵa ushýdan bastaıdy.Bul týraly tengrinews.kz habarlady. Eki aralyqtaǵy bılettiń quny bir baǵytqa 10 495 teńge. Jolaýshylar tasymaldaıtyn áýe laıneri eki qalanyń arasynda kún saıyn ushady. Sondaı-aq – aptasyna úsh ret (dúısenbi, sársenbi, juma) Almaty – Pavlodar (10916 teńge), aptasyna 4 ret (dúısenbi, seısenbi, senbi, jeksenbi)Almaty – Shymkent (10495 teńge) reısi boıynsha ushady. Shymkentten Pavlodarǵa aptasyna eki kún (seısenbi, jeksenbi) –bılet baǵasy bir baǵytqa 141857 teńge,  Shymkentten Qyzylordaǵa da aptasyna eki ret –dúısenbi, seısenbi kúnderi reıske shyǵady. Bul baǵyttaǵy bılet baǵasy bir baǵytqa 8556 teńge turady. Bıletterdi búginnen bastap – flyqazaq.com saıty arqyly nemese avıakassalardan satyp alýǵa bolady. Josparda – Almaty – Qostanaı, Shymkent – Aqtóbe, Aqtóbe – Qostanaı, Aqtóbe – Atyraý baǵyttaryna reıs ashý kózdelip otyr. Talǵat Súıinbaı. Derek, sýret: tengrinews.kz.