Qaýipsizdik keńesi janyndaǵy Saraptamalyq keńestiń otyrysy ótti

ASTANA. 14 tamyz. Aqordada Qaýipsizdik keńesi janyndaǵy Saraptamalyq keńestiń otyrysy ótti. Bul týraly egemen.kz tilshisi habarlady. Jumys barysynda álemdik ekonomıkadaǵy ahýal men ıntegrasııalyq úderister aıasynda ulttyq múddelerdi qorǵaý máseleleri qarastyryldy. Otyrysqa memlekettik organdar, bıznes qaýymdastyqtary jáne «Atameken» UKP basshylary, jetekshi otandyq sarapshylar men ǵalymdar qatysty. Sóz sóıleýshiler óńirlik ekonomıkany damytý, Eýrazııalyq ekonomıkalyq odaq aıasyndaǵy yqpaldastyq, Qazaqstannyń Dúnıejúzilik saýda uıymyna kirýi el aldyna túrli salalarda ulttyq múddelerdi qorǵaý jáne júzege asyrý jóninde jańa mindetter qoıatynyn atap ótti. Prezıdenttiń kómekshisi – Qaýipsizdik keńesiniń hatshysy N.Ermekbaev sarapshylar men bıznes qaýymdastyqtarynyń usynymdaryn eskere otyryp, jaýapty memlekettik organdarǵa ekonomıkalyq jáne yqpaldastyq úderisterdi jan-jaqty taldaý jáne olardyń barlyq yqtımal saldary men qaterlerine boljam jasaý qajettigin atap ótti. Jumys qorytyndysy boıynsha Qazaqstannyń yqpaldastyq birlestikterine qatysýynyń tıimdiligin arttyrý jóninde naqty usynystar engizildi. Saraptamalyq keńestiń usynymdary Qaýipsizdik keńesi jumysynda jáne Memleket basshysynyń tóraǵalyǵymen ótetin Qaýipsizdik Keńesiniń otyrystaryn daıyndaý barysynda paıdalanylatyn bolady. Aıdar О́risbaev. Derek, sýret: akorda.kz.