Ulttyq kompanııanyń málimetinshe, 2026 jylǵy 8 naýryzda atalǵan trassanyń 29-shaqyrymynda ornalasqan sanıtarııalyq-gıgıenalyq torap ýaqytsha jabyq bolǵan. Osy jaıt boıynsha qyzmettik tekserý júrgizilgen.
«Tekserý nátıjesinde qatań tártiptik sharalar qabyldanyp, servıstik kompanııanyń óńirlik fılıalynyń basshysy qyzmetinen alyndy. Sonymen qatar, ulttyq kompanııanyń fılıaly men ortalyq apparatynyń birqatar qyzmetkerleri jaýapkershilikke tartyldy», dep habarlady «QazAvtoJol» ulttyq kompanııasy
Qazirgi tańda elimizdegi respýblıkalyq mańyzy bar avtojoldar boıynda 176 modýldik jyly sanıtarııalyq-gıgıenalyq torap ornatylǵan. Olardy paıdalanýǵa berý jumystary kezeń-kezeńimen júrgizilip jatyr. Nysandarda iske qosý-retteý jumystary men ınjenerlik jelilerge qosý prosesteri aıaqtalýǵa jaqyn.
Gaz ólsheýdegi zańbuzýshylyq: Qaraǵandyda stansııaǵa aıyppul salyndy
Bıyl jol ınfraqurylymyn damytý aıasynda 10 óńirde taǵy 13 jańa sanıtarııalyq torap salý josparlanǵan. Onyń segizi ulttyq kompanııanyń óz qarajaty esebinen, al beseýi memlekettik-jekeshelik áriptestik arqyly júzege asyrylady.
Sondaı-aq jol paıdalanýshylarymen keri baılanysty kúsheıtý úshin barlyq sanıtarııalyq toraptarda QR-kodtar ornatylǵan. Olar arqyly azamattar «1403» baılanys ortalyǵyna nemese WhatsApp arqyly dıspetcherlik qyzmetke tikeleı habarlasa alady.
12 naýryzdan bastap kameralar qandaı zańbuzýshylyqtar úshin aıyppul salady?
Ulttyq kompanııa ókilderi jol boıy servıstik nysandardyń sanıtarııalyq jaǵdaıy turaqty baqylaýda ekenin atap ótti. Qabyldanǵan sharalar qyzmet sapasyn arttyrý men nysandardyń úzdiksiz jumysyn qamtamasyz etýge baǵyttalǵan.
