Foto: Ashyq derekkóz
Oblys prokýratýrasy Sanıtarııalyq-epıdemıologııalyq baqylaý departamentiniń qyzmetin zerdeleý kezinde laýazymdy tulǵanyń qylmystyq quqyq buzýshylyq jasaǵanyn áshkereledi. Naqtyraq aıtqanda, Syrdarııa aýdandyq sanıtarııalyq-epıdemıologııalyq baqylaý basqarmasynyń bólim basshysy ákimshilik quqyq buzýshylyq úshin 15 táýlikke qamaýǵa alynǵan.
Alaıda memlekettik qyzmetshi jumysta bolmaǵan ýaqytyn jasyryp, ony zańdastyrý maqsatynda basshylyqqa jalǵan ýaqytsha eńbekke jaramsyzdyq paraǵyn usynǵan. Tergeý barysynda atalǵan qujattyń jalǵan ekeni anyqtalyp, ony Syrdarııa aýdandyq aýrýhanasynyń dárigeri qoldan jasap bergeni belgili boldy.
Prokýrorlyq tekserý materıaldary negizinde sotqa deıingi tergep-tekserý bastalyp, is sotqa joldanǵan.
Aqtóbede prokýror ustaldy: Sheneýnik 10 mln teńge para aldy degen kúdikke ilindi
Sot úkimimen aýdandyq aýrýhana dárigeri Qylmystyq kodekstiń 385-baby 1-bóligi boıynsha kináli dep tanylyp, oǵan 1 jyl merzimge bostandyǵyn shekteý jazasy taǵaıyndaldy.
Al bólim basshysy kórineý jalǵan qujatty paıdalanǵany úshin QK-niń 385-baby 3-bóligimen kináli dep tanylyp, oǵan 20 aılyq eseptik kórsetkish kóleminde aıyppul salyndy.
Sot úkimi zańdy kúshine endi.
Depýtat eks-sheneýnikterdiń Dýbaıdaǵy múlkine quqyqtyq baǵa berýdi talap etti
