Jańa nysannyń qurylys alańyndaǵy kapsýla salý rásimine óńir basshysy Erbol Qarashókeev qatysty.
Is-sharaǵa «Samuryq-Qazyna» AQ basqarma tóraǵasy Nurlan Jaqypov pen Fransııanyń Qazaqstandaǵy Tótenshe jáne О́kiletti Elshisi Sılvan Gıoge, sondaı-aq TotalEnergies korporasııasynyń jańartylatyn energııa kózderi baǵyty boıynsha vıse-prezıdenti Olıve Jýnı beınebaılanys rejıminde qatysyp, quttyqtaý sóz sóıledi.
JI-di damytý úshin elektr energııasynyń mol qory kerek: Sarapshy túsindirdi
О́z kezeginde oblys basshysy Moıynqum aýdanynda júzege asyrylatyn jel parki óńirdiń ekonomıkalyq áleýetin arttyryp, el energetıkasynyń damýyna serpin beretinin atap ótti.
«Jańartylatyn energııa kózderin damytý – memleket saıasatynyń strategııalyq baǵyttarynyń biri. Prezıdent Qasym-Jomart Toqaev jasyl energetıkanyń úlesin arttyrýǵa erekshe mán berip keledi. Tabıǵı áleýeti joǵary Moıynqum óńiri endi elimizdiń energetıkalyq damýynda mańyzdy oryn alatyn alańǵa aınalmaq», dedi Erbol Qarashókeev.
Jobany «Aqtas Enerdjı» JShS júzege asyrýda. Qýattylyǵy – 1 GVt, ınvestısııa kólemi – 620 mlrd teńge. Sonymen qatar qýaty 300 MVt / 600 MVt·saǵ bolatyn energııa jınaqtaý júıesi qarastyrylǵan. Joba seriktesteri qatarynda TotalEnergies (Fransııa), «QazMunaıGaz» jáne Samruk Energy bar.
