«Bul – búkil musylman qaýymy úshin mán-mańyzy erekshe, qasıetti mereke. Osy meıramda rýhanı tazarý men parasattylyq, sabyrlyq pen qanaǵatshyldyq, ózara syılastyq pen tilektestik, janashyrlyq pen jaqsylyq qundylyqtary dáripteledi», dedi Memleket basshysy.
Sondaı-aq Prezıdent oraza ustaý – tek dinı paryz ǵana emes, adamnyń ishki jan dúnıesin kemeldendiretin úlken mektep ekenin jetkizdi.
«Otyz kún oraza tutqan jurt ımanyn baıytyp, kemeldikke umtylady. Tózimin shyńdap, tóńiregine qamqorlyq tanytady. Igi isterge uıytqy bolyp, muqtaj jandarǵa qol ushyn sozady», dedi ol.
Qasym-Jomart Toqaev ata dástúr men asyl dinniń el birligin nyǵaıtýdaǵy róline de nazar aýdardy.
Prezıdentke qasıetti Ramazan aıynyń bastalýyna oraı quttyqtaý jedelhattary kelip tústi
Bıylǵy Oraza aıttyń Naýryz merekesimen qatar kelýiniń sımvoldyq máni erekshe ekeni de aıtyldy. Prezıdent bul jaǵdaıdy el damýynyń jańa tarıhı kezeńimen sabaqtastyrdy.
«Qazaqstan halqy Jańa Ata zańdy qabyldap, jarqyn bolashaqqa, Ádilettilik pen О́rkendeýge bastaıtyn joldy tańdady. Konstıtýsııalyq reformany jappaı qoldaý arqyly ult tarıhynyń jańa paraǵyn ashty», dedi Memleket basshysy.
Ramazan aıy azamattardyń tutyný shyǵyndaryna qandaı ózgeris ákeledi?
