Almatyda Batyrhan Shókenovti eske alý keshi ótedi

ASTANA. 13 mamyr. Almaty qalasyndaǵy Respýblıka saraıynyń aldynda Batyrhan Shókenovti eske alý keshi ótedi. Bul týraly qalalyq mádenıet basqarmasyna silteme jasap, tengrinews.kz habarlady. Qazaqstannyń eńbek sińirgen qaıratkeri, ánshi, mýzykant ári kompozıtor Batyrhan Shókenovtiń qurmetine arnalǵan kesh 18 mamyr – óner juldyzynyń týǵan kúni saǵat 20:00-de bastalady. Alǵash bolyp sahnaǵa qazaqstandyq Chick Flick toby shyǵady dep josparlanýda. Top mýzykanttyń birneshe shyǵarmalaryn oryndaǵannan keıin Respýblıka saraıynyń aldynda «Batyr: Live» fılm-konserti kórsetilmek. Bul fılmge ánshiniń sahnadaǵy sátteri, dostary men jaqyndarynyń qysqa suhbattary, sahna syrtyndaǵy túsirilimder, sondaı-aq, óziniń pikirleri engen. «Bul kúni Abaı dańǵylyna keletin halyqtan jeke avtokólikterin tastap, kesh ótetin jerge qoǵamdyq, mýnısıpaldyq kóliktermen kelýlerin ótinip suraımyz. Jurtqa qolaıly bolýy úshin «Arman» kınoteatrynyń janynda aıaldama, Respýblıka saraıynda jerasty turaǵy jumys isteıdi», – dep habarlaıdy qalalyq mádenıet basqaramysy. Sol kúni ánshini eske alý keshteri Máskeý qalasy men Qytaıda da ótetinin aıta keteıik. Batyrhan Shókenov 29 sáýirde 53 jasyna qaraǵan shaǵynda júrek talmasynan qaıtys boldy. Elaman Qońyr. Derek, sýret: tengrinews.kz.