Elordadaǵy qoldaý forýmy

Keshe elordadaǵy «Dáýlet» sport kesheninde Qazaqstan Respýblıkasy prezıdenttigine kandıdat Nursultan Ábishuly Nazarbaevty qoldaýǵa arnalǵan forým bolyp ótti. Sóıtip, atalǵan shara saılaý naýqanynyń úgit kezeńin ashyp berdi. Forýmǵa qatysýshylar – Res­pýb­lıkalyq qoǵamdyq shtab pen Astana qalalyq qoǵamdyq shtabynyń múshe­leri jáne Qazaqstan Respýblıkasy prezıdenttigine kandıdattyń saıası partııalar, úkimettik emes uıymdar, ǵylymı jáne shyǵarmashyl ıntellıgensııa, Qazaqstan Respýblıkasy Parlamenti men Astana qalasy máslıhatynyń depýtattary, jastar belsendileri, sportshylar, sondaı-aq, bıznes ókilderi sana­tyndaǵy senim bildirilgen adamdar boldy. Sharaǵa Qazaqstan prezıdenttigine kandıdat N.Nazarbaevtyń Respýb­lıka­lyq qoǵamdyq shtabynyń basshysy Muhtar Qul-Muhammed, Halyq Qa­har­many Baqytjan Ertaev, Qazaqstannyń Eńbek Eri Aıman Musaqojaeva, jetekshi saıası partııalar basshylary, Qazaqstan halqy Assambleıasy Tóraǵasynyń orynbasary Anatolıı Bashmakov, t.b.  qatysty. «Qazaqstan Respýblıkasynyń Negizin qalaýshy jáne Tuńǵysh Prezıdentiniń arqasynda biz Táýelsizdik jyldarynda júz jyldarǵa teń  joldan óttik! Bizdiń Kóshbasshymyzdyń arqasynda barlyq qazaqstandyqtar beıbitshilik pen kelisimde ómir súrip keledi! Bizdiń Elbasynyń arqasynda biz qýatty, ósip-órkendegen, básekege qabiletti, búkil álemde qurmetke ıe memleket qurdyq! Bizdiń Prezıdentimizdiń arqasynda týrbýlenttilik jaǵdaılarynda biz qoǵamymyzdyń saıası, ekonomıkalyq jáne áleýmettik salalaryn tabys­ty jańǵyrta aldyq! Nursultan Nazarbaevtyń arqasynda elimizde tamasha «2050» Strategııasy qabyldansa, onda memleketimizdiń strategııalyq maqsattary men baǵdarlary anyq ta naqty jazylǵan! Nazarbaevtyń arqasynda «Nurly Jol» baǵdarlamasy – elimizdiń, sondaı-aq, ár otbasynyń ekonomıkalyq ósimi men ıgiliginiń durys baǵyty jasaldy! Sondyqtan men týra bir aıdan soń osy forýmǵa qatysýshylar, barlyq qazaqstandyqtar sekildi, ózderiniń saılaý ýchaskelerine kelip, ózderiniń daýystaryn ózderiniń bolashaqtary, ózderiniń balalary men nemereleriniń bolashaqtary úshin, ár otbasynyń ıgiligi, memleketimizdiń ósip-órkendeýi, Qazaqstan Respýblıkasy dep atalatyn týǵan Otanymyzdaǵy beıbitshilik pen turaqtylyq úshin beretinine nyq senimdimin. Osynyń barlyǵyna bizdi tek álemdik órkenıettiń shyńyna bastap kele jatqan Elbasy Nursultan Nazarbaev qana kepildik bere alady. Tek Elbasymen ǵana jańa jeńisterge jetemiz, qymbatty dostar!», – dedi Muhtar Qul-Muhammed. Sharaǵa qatysýshylar 2015 jyldyń 26 sáýirinde ótetin saılaýda Elbasy Nur­sultan Nazarbaevty qoldaýǵa daıyn ekendikterin bildirdi. Forýmda saılaýaldy naýqany sheńberinde úgit jumystary bastalyp otyr­ǵany atap ótildi. Máselen, tek Asta­na qalasy boıynsha ǵana kandıdattyń 535 senim bildirilgen adamy jumys isteıtin bolady. Sondaı-aq, keshe búkil elimiz boıynsha Qazaqstan Respýblıkasy prezı­denttigine kandıdat N.Á.Nazarbaevtyń 224 qoǵamdyq qabyldaýy óz jumysyn bastady. Respýblıkalyq qoǵamdyq qabyl­daýdyń ashylýyna prezıdenttikke kandı­dat N.Á.Nazarbaevtyń Respýblı­kalyq qoǵamdyq shtabynyń basshysy Muhtar Qul-Muhammed qatysty. Qoǵamdyq qabyldaýlar ústimizdegi jyldyń 24 sáýirine deıin jumys isteı­tin bolady. Qoǵamdyq qabyldaý­lardyń negizgi mindetteri azamattardan usynystar men tilekter qabyl­daý, prezıdenttikke kandıdat N.Á.Na­zarbaevtyń saılaýaldy tuǵyrnamasyn nasıhattaý jáne saılaý zańnamasyn túsindirý bolyp tabylady. Qoǵamdyq qabyldaýlarda Qazaqstan Respýblıkasy prezıdenttigine kandıdat N.Á.Nazarbaevtyń  shamamen 600-deı senim bildirilgen adamy tańerteńgi saǵat 9-dan keshki 19-ǵa deıin jumys kúnderi, tańerteńgi saǵat 9-dan túski saǵat 13-ke deıin senbi kúnderi saılaýshylardy qabyldaıtyn bolady. Qazaqstan Respýblıkasy prezı­denttigine kandıdat N.Á.Nazarbaevtyń Respýblıkalyq qoǵamdyq qabyldaýy Astana qalasy, Kenesary kóshesi, 25 mekenjaıdaǵy «Nur Otan» partııa­synyń ǵımaratynda ornalasqan. Respýblıkalyq qoǵamdyq qabyl­daýdyń birinshi kúni birqatar azamatty Muhtar Qul-Muhammed qabyldady. Respýblıkalyq qoǵamdyq shtabtyń basshysy qoǵamdyq qabyldaýlardyń qyzmeti N.Á.Nazarbaev «Nur Otan» partııasynyń HVI sezinde el aldyna qoıǵan bes sheshýshi mindetti tabysty júzege asyrýǵa súbeli úles qosatynyna senim bildirdi. «Nursultan Ábishuly Qazaqstannyń taǵdyry respýblıkanyń ár azamatyna tikeleı baılanysty dep kezdeısoq aıt­qan joq. Qoǵamdyq qabyldaýlar qazaq­stan­dyqtarǵa elimizdi nyǵaıtý men damy­týǵa qatysýǵa tamasha múmkindik­ter beredi», dep atap ótti Muhtar Qul-Muhammed. Respýblıkalyq qoǵamdyq shtabtyń basshysy azamattardyń eń qyzyqty da qundy usynystary mindetti túrde N.Á.Na­­zar­baevqa jetkiziletinine sendirdi.