SALAMATTY О́MIRGE TAǴY BIR QADAM

О́tken aptada Astanada jańadan salynǵan kóp baǵytty balalar sport aýlasynyń saltanatty túrde ashylýy bolyp ótti. Ony №51 mektepke jáne oǵan jaqyn ornalasqan aýdan turǵyndaryna arnap “QazMunaıGaz” ulttyq kompanııasy saldyrǵan bolatyn. Endi jańa turǵyn úı kesheninde turatyn oqýshylar bos ýaqyttarynda fýtbol, voleıbol, basketbol, úlken tennıs jáne ózge de sport oıyndary túrlerimen aınalysýǵa keń múmkindik aldy. Astana qalasy ósip, barlyq salalar boı­ynsha qarqyndy damyp keledi. Elordamen birge onyń kish­­kentaı turǵyn­dary da birge jel­kil­dep ósýde. Osy oraı­da qalamyzdyń jas turǵyndary úshin sport to­lyq­qandy damýynyń bólinbes bólshegine aınalýy tıis. Muny elimizdiń bas munaı kompanııasynyń basshylary da jaqsy túsinedi. Sondyqtan El­basy Nur­sultan Nazarbaevtyń bu­qaralyq sportty damytý maqsatynda kótergen bastamasyn eń alǵash­qy­lardyń biri bolyp “QazMu­naı­Gaz” ulttyq kompanııasy qoldaǵan bo­la­t­yn. Kompanııa qarjylaı qoldaý kórsetetin 2010-2011 jyldarǵa arna­lyp josparlanǵan baǵdarlamalar tizimine sáıkes, Qazaqstan boıynsha mundaı kóp baǵytty sport aýlala­rynyń áli 50-i salynbaq. Astanada qoldanýǵa berilgen osyndaı ekinshi keshenniń ashylýy saltanatynda “QazMunaıGaz” UK” AQ-tyń bıznesti qoldaý bóliminiń bas menedjeri Serikbek Elshibekov bul baǵdarlamanyń sporttyń buqa­ralyq túrlerimen aınalysýǵa jaǵdaı jasaý maqsatynda uıymdastyryl­ǵa­nyn atap ótti. Jańa keshen jas­ós­pi­rimder men balalar arasynda sala­mat­ty ómir saltyn nasıhattaýǵa, olar­dy sportqa qyzyqtyrý, tartý úshin arnaıy ashylyp otyrǵan kórinedi. – Bizdiń kompanııa sporttyq aý­la­lardy tek qana belgili bir mektep oqý­shylaryna arnap emes, sondaı-aq onyń aınalasynda ornalasqan ba­la­lar úshin de, ıaǵnı ortaq ıgilikke sa­lyp otyr. О́ıtkeni, biz balalardyń kóp­shiligi ózderiniń súıikti sport túr­le­rimen zamanaýı jáne keremet ja­ra­q­tandy­rylǵan sport alańqaı­la­rynda aına­lysýǵa múmkindik alǵa­nyn qalaımyz, – dep atap kórsetti S. Elshibekov. 0,3 gektar aýmaqty alyp jatqan keshen shyndyǵynda da kórgen kózge óte áserli. Qurylystyń zamanaýı tehnıka­lary arqasynda munda kishi fýtbol, voleıbol, basketbol, úlken tennıs, ózge de sport túrlerinen túrli jattyǵýlar men jarystar ót­kizýge bolady. О́zge keshen­dermen birge jınaqta tolyqqandy hokkeı korty da bar. Tennıske arnalǵan bó­likte – Ýımbldon jattyǵýlarynda qoldany­latyn joǵary sapaly sın­te­tıkalyq tósem bar, al mekteptiń fýtbol koman­dasy FIFA UEFA sertıfıkatynan ótken jasandy kógal alańda jattyǵa alady. Qysta jaraqattanýdyń aldyn alatyn aıazǵa shydamdy aýla tósemi balalardy jaı­ly ári qaýipsiz jaǵdaımen qam­ta­masyz etedi. Tósemder qatyrý-qaı­ta­dan eritýdiń kóptegen tizbegin kó­te­re alady. Al bul Astananyń klı­mat­tyq jaǵdaıy úshin mańyzdy fak­tor bolyp tabylady. Keshen sport­pen keshki ýaqyttarda aınalysqysy keletinderge oraı qosymsha jaryq beretin dińgektermen jaraqtan­dy­rylǵan. Keshen qurylysyn salý bary­syn­da barlyq ekologııalyq, sanı­tar­lyq-gı­gı­e­­nalyq, órtke qarsy normalar men ere­jeler qatań saq­taldy. Qoldanysqa bergen soń 5 jyl kepildigi taǵy bar. S.Elshi­be­kovtiń aıtýynsha, mundaı ke­shen­der­diń mektepter aýmaǵynda turǵyzy­lý­ynda ózindik syry bar kórinedi. Munyń sebebi, oqýshylardyń jaı­ly­lyǵy úshin ári keshen baqylaýsyz, qa­raýsyz qalmaıdy. Onyń qyzy­ǵý­shylyq týdyrǵany sonsha­lyqty, tipti qurylys kezinde jergilikti bala­qaılar alańqaıdy kórip, paı­dalaný ótinishimen kelgen eken. Ashy­lý salta­na­tynda sport súıe­tin­­der kóptep jınaldy, al balaqaılar lezde jasyl tósemniń barlyq artyqshylyqtaryn baǵalap úl­gerdi. Úlkenderdiń alǵysty sózderinen keıin mektep dırektoryna keshenniń sımvoldyq kilti tabystaldy. Son­daı-aq, olımpııalyq rezervti daı­yn­daıtyn ba­lalar men jasóspirimder sport mektebi komandasynyń kon­serti ótti. №51 orta mektep oqýshy­lary joldastyq kezdesýler ótkizdi. Dopty qaqpaǵa birinshi engizý rásimi S. Elshibekovke berildi. On jasar Vladıslav Ivachev ká­sibı fýtbolmen eki jyl qatarynan aınalysyp keldi. Anasynyń aıtý­yn­sha, balaqaı qystyń qaqaǵan sýy­ǵynda da, jańbyrǵa da qaramastan bir de bir jattyǵýdan qal­mapty. №8 olımpııalyq rezerv daıyn­daıtyn balalar men jasóspirimder sport mektebiniń ókili, bapker Vıacheslav Pro­ko­penko jańa fýtbol alańynyń ashylǵa­ny­na qýanyshty ekendigin bildirdi. О́ıtkeni, ol qalada áli de jetkiliksiz. Balalarǵa ja­saǵan qam­qorlyqtary úshin qazmunaıgazd­yq­tarǵa Almaty aýdanynyń bilim bólimi bastyǵy Aına Qaspaqova alǵysyn bil­dirip, munda naǵyz chem­pıondar tárbıe­lenip shyǵa­ty­n­dyǵyna senim bildirdi. Tájirıbeli fýtbolshylar, 10-synyp oqýshylary Medeý Ashat­uly men Zańǵar Serikuly “Astana” sımvolıkalyq ánin oryndady. “QazMunaıGaz” ulttyq kompa­nııa­sy qoǵamdyq nysandardy tur­ǵy­zýǵa, sonyń ishinde sporttyq keshen­der­di salýdy qar­jylandyrýǵa árdaı­ym úlken mańyz berip keledi. Onyń dáleli retinde Asta­nadaǵy “Kaspıı” sport keshenin, Jańa­ózendegi R.О́te­sinov atyndaǵy dene shy­ny­q­tyrý-saýyqtyrý keshenin ataýǵa bolady. Jańa oqý jylyna oraı Astanada “Qaz­Mu­naı­Gaz” UK” AQ baǵdar­la­masyn jú­zege asyrý barysynda osyndaı 10 zama­na­ýı sport aýlasyn ashý josparlanyp otyr. Al kelesi jyly olardyń sany elýge deıin óspek. Bastamashylardyń suraıtyn bir ǵana tilegi, keshendi muqııat saq­tap qa­raý. Sondaı-aq, olar azamat­tar­dy óz den­sa­ýlyqtaryna paıda tıgizý úshin únemi osy sport aýla­laryna kelýge shaqyrady. Sana UIаBEKOV. ASTANA.