Qanat Islam kezekti qarsylasyn nokaýtpen jeńdi

Naýryzdyń 23-i kúni túnde WBA Fedelatin versııasy boıynsha chempıondyq ataǵyn qorǵaǵan qazaqstandyq boksshy Qanat Islam kolýmbııalyq Orlando De Hesýs Estradany 4-raýndta nokaýtpen jeńdi. Orta salmaqta óner kórsetýshi qazaqstandyq boksshy Qanat Islam ká­sip­qoılar rınginde osy­men 19-shy ret jeńis to­ıyn toılady. 30 jas­taǵy qazaqstandyq kolým­bııa­lyq Orlando De Hesýs Estradaǵa qarsy urysta WBA Fedelatin versııasy boıynsha chempıondyq ataǵyn saqtap qaldy. Jekpe-jek Kolýmbııa­nyń Barankılıa qalasynda ótti. Urystyń alǵashqy mınýtynan bastap Qanat qarsylasyn soqqynyń astyna aldy. Ekinshi ­raýnd ta bizdiń boksshynyń basymdyǵymen ótti. Biraq básekelesin kindikten tómen uryp alǵan odan bir upaı kemitildi. Munyń esesine, Qanat kelesi raýnd­­ta kolýmbııalyqty eki ret nokdaýnǵa jiberdi. Tórtinshi raýndtyń basynda Qanat sol qolynyń qarymymen qarsylasyn taǵy da rıngke ushyryp túsirdi. Referı nok­daýn ýaqytyn tolyq sanap shyqty. Shaıqas qaıta jalǵasty. Biraq tóreshi sálden keıin urysty toqtatyp, qazaq jigitiniń jeńgenin jarııa etti. Bul Qanat Islamnyń 19-shy shaıqasyn da jeńispen aıaqtaǵanyn kórsetti. Ol bulardyń 16-synda aıqasty merziminen buryn aıaqtaǵan. Ázirge birde-bir ret jeńilip kórgen joq. Osy kúni Kolýmbııa rıngine qazaqstandyq taǵy bir boksshy – Janqosh Turarov ta kóterildi. Ol da kolýmbııalyq boks­shymen urys ótkizdi. Osy reıtıngilik urysyn jeńispen aıaqtaǵan jerlesimiz qarsylasyn 7-raýndta bet qaratpaı tas­tady. Sóıtip, tóreshiniń sheshimimen oǵan jeńis berilip, qarsylasyna tehnıkalyq nokaýt jazyldy. Damır QOJAMQUL.