Petropavldyqtyń shaǵymdanýyna torttyń sapasyzdyǵy sebep bolǵan

PETROPAVL. 26 aqpan. Petropavl qalasynyń turǵyny tutynýshylar men kásipkerlerdiń quqyǵyn qorǵaıtyn mekeme – oblystyq assosıasııaǵa shaǵym túsirgen. Oǵan qyrýar aqshaǵa satyp alǵan rýlettiń jeýge jaramsyzdyǵyn alǵa tartqan. Bul týraly egemen.kz tilshisi habarlady. Petropavldyq Maııa Toksanova «Kóktóbe» saýda úıinen «Berezka» tortyn satyp alyp, úıge kelgen soń dámin kórmek bolǵanda ishiniń kógerip ketkenin ańǵarǵan. Sýpermarketke kelip, olqylyqtyń ne sebepti oryn alǵanyn bilmek bolǵanymen, jarytyp jaýap ala almaǵan. Sodan tutynýshylar men kásipkerlerdiń quqyǵyn qorǵaý jónindegi assosıasııaǵa aryzdanǵan. Kelinshek bul qadamyn ózgelerge sabaq bolsyn, adamdar saqtanyp júrsin degen ýájben túsindirgen. Mekemeniń dırektory Nadejda Dýbovaıa saýda oryndarynda mundaı jaǵdaılardyń jıi oryn alatynyn jasyrmaıdy. Onyń oıynsha, dúken satýshylary ýaqyty ótip ketken ónimdi esepten shyǵarýdyń ornyna merzimin jańalaı salýy ǵajap emes. Osyndaı oǵash oqıǵa bul saýda úıinde birinshi ret kezdesip otyrǵan joq. Munyń aldynda bir tutynýshy taýyqtyń qýyrylǵan etinen qurt tapqan eken. О́mir Esqalı. Derek: egemen.kz. Sýret: restoranberezka.ru.