JAHAN KEZGEN JIHANKEZDER

Nıderlandyqtar Uly Jibek jolymen Qazaqstanǵa keldi Sonaý Rotterdamnan kvadro­sıkl­men shyqqan eki gollandııalyq jıhankez Mark van der Verff pen Sander Parmante Uly Jibek joly boıymen Shanhaıǵa ketip barady. О́tken apta aýa bere olar Qazaq­stanǵa jetip jyǵyldy. Saıa­hat­shylar alty aıdyń ishinde otan­daryna qaıta oralýdy mejelep otyr. Osy aralyqta gollan­dııa­lyq­tar 30 myń shaqyrym jol júrip ótedi. Jıhankezder osy uzaq sapar­lary boıynda kórgen qyzyqtary men shyjyqtaryn, tamasha sát­ter­di, tabıǵat ǵajaıyptaryn beı­ne­tas­paǵa túsirip kele jatyr eken. Olar ótken beısenbide qazaqstandyq jýr­nalıstermen kezdesip, sapar­lary­nyń áserimen bólisti. Kózben kórgenderin baıandap, “HHI ǵasyrda Uly Jibek jolyn zertteý” taqy­ry­bynda suhbat qurdy. Gollandııa­lyq­tar jarty jyldyq saıahat barysynda jetim balalar úshin qurylǵan otbasylyq SOS Children’s qalashyqtaryn da aralap kele jatqandaryn aıtty. “Bizder tek osyndaı derevnıa­lar­ǵa baryp qana qoımaı, olar úshin qarajat ta jınaýǵa umtylyp kelemiz. Balalardyń SOS qala­shyq­ta­ry úshin barynsha kóp aqsha jınaýǵa kúsh sala otyryp, ózimiz­diń erekshe saıahatymyzda qıyn­dyq­tarǵa dýshar bolsaq ta, qoǵamda tastandy, jetim balalardyń bar ekenin eske salýǵa, osy máselege nazar aýdartýǵa áreket etýdemiz”, deı­di Mark van der Verff. Al Sander Parmenteniń aı­týyn­sha, saıahatshylardyń saıtyna kez kelgen adam kirip, olarǵa ártúr­li tapsyrmalar oryndaýǵa usynys berýge bolady eken. Máselen, jetim balalar úshin sadaqa jınap júrý de saıtqa engen jurtshylyqtyń jıhan­kezderge júktegen amanaty. Usy­nystarǵa daýys berý SOS qala­shyqtarynyń qorlaryna jarna aýdarý arqyly júrgiziledi. Qazirge deıin olar 3 myńnan astam evro jınaǵan. Olardyń sa­par­laryn baqylap otyrǵandardyń taǵy bir tapsyrmasy – eki jı­han­kez tuńǵysh ret osyndaı qashyq­tyqty kvadrosıklmen júrip óte­tindikten Gınnestiń rekordtar kitabyna enýleri kerek. Osylaısha Rotterdamnan 1 ma­myrda shyqqan saıahatshylar 1 qa­rashada Gollandııaǵa qaıta oralmaq. Qazaqstannan endi Qytaıǵa baǵyt alǵan eki jıhankez ózderin qazaq jeri osynshalyqty yqylaspen, keń dastarqan, tegin jatyn orynmen qarsy alady dep kútpegenderin aıta­dy. Olardyń saparlaryn sátti jyljytyp kele jatqan da jo­laı­ǵy qaıyrymdy adamdardyń yqy­lasy eken. Aınash ESALI, ALMATY.