Belsendilik arta túsýde

Qolymyzdaǵy derekter boıyn­sha oblysta múlikti jarııa etý belsendi sıpat ala túsýde. Máselen, bıylǵy 11 naýryzǵa deıin jergilikti memlekettik komıs­sııanyń qaraýyna 519 ótinish kelip túsken. Onyń 332-i turǵyn úı jáne 615-i turǵyn úıge jatpaıtyn nysandar bolsa, sońǵysynyń 234-i kommersııalyq ǵımarattardy qamtıdy. Atalǵan jyljymaıtyn múlikterdiń jalpy quny 4,8 mıllıard teńgeni quraıdy. Qazirgi kúni 235 ótinish qa­naǵat­tandyrylyp, 1,9 mıllıard teńgeniń 555 nysany jarııa etildi. Turǵyndar ótinishin aımaq­tarǵa bólip qarastyrsaq, Selı­nograd (170) jáne Býrabaı (79) aýdandarynda, sondaı-aq, oblys ortalyǵy Kókshetaý qalasynda (147) belsendilik joǵary eken­digin baıqaýǵa bolady. Oblys turǵyndarynan Qazaqstannan tys jerlerdegi jyljymaıtyn múlikter men aqshalaı qarajatyn jarııa etý etý jóninde ótinish tirkelmegen. О́ńirde múlikti jarııa etý faktisi sońǵy ýaqytta ekpin ala túsken. Máselen, naýqan bastalǵan alǵashqy tórt aıda 300 ótinish qabyldansa, sońǵy eki aıda, ıaǵnı 13 qańtar men 11 naýryz aralyǵynda onyń sany 200-den asyp otyr. Memlekettik kiris jónindegi ob­lystyq departamenttiń óndi­ristik emes tólemder bóliminiń basshysy Gúlnara Balabaevanyń aıtýyn­sha, kapıtaldy jarııa etý qarqynynyń artýyn qolǵa alynǵan aksııa sharttarynyń tıimdiligi men keshirim sharalarynyń qolaı­lylyǵymen baılanystyrýǵa bolady. Baqbergen AMALBEK, «Egemen Qazaqstan». Aqmola oblysy.