Is-sharaǵa jalpy orta bilim berý uıymdarynyń basshylary, tárbıe isi jónindegi orynbasarlar, psıhologııalyq-pedagogıkalyq qoldaý mamandary, qalalyq uıymdardyń sarapshylary men ókilderi, sondaı-aq bilim alýshylardyń ata-analary qatysty.
Forýmnyń negizgi maqsaty – mektep, otbasy jáne qaýymdastyq arasyndaǵy ózara is-qımyldy kúsheıtý, birtutas tárbıelik keńistikti qalyptastyrý, ata-analar men pedagogter arasyndaǵy seriktestikti nyǵaıtý jáne balanyń tulǵalyq ári azamattyq damýyn qoldaý boldy.
Plenarlyq bólimde Qazaqstan Respýblıkasy Oqý-aǵartý mınıstrliginiń tárbıe jumysy jáne qosymsha bilim berý departamentiniń dırektory Erlan Qalmaqov pen «Bilim Bolashaǵy» qoǵamdyq qorynyń dırektory Sholpan Qadyrova quttyqtaý sóz sóılep, forým jumysyna sáttilik tiledi.
Forým barysynda «BINOM EDUCATION» bilim berý qorynyń tárbıe jumysy jónindegi bólim basshysy Dastan Muhtar «Emosııany túsiný – tárbıeniń jańa tili» taqyrybynda baıandama jasap, bala tárbıesindegi ózekti máseleler men olardy sheshý joldary týraly oı bólisti.
Sonymen qatar, sertıfıkattalǵan geshtalt-psıholog, Qazaqstan Respýblıkasy Úkimeti janyndaǵy Sýısıdtiń aldyn alý jónindegi jobalyq keńseniń bas konsýltanty Leıla Mıras «4 shaga berejnogo rodıtelstva» atty trenıng ótkizip, ata-analarǵa bala tárbıesindegi zamanaýı tásilderdi usyndy.
Qadyr Myrza Áli atyndaǵy BINOM SCHOOL mektep-lıseıiniń qamqorshylyq keńesiniń tóraǵasy Adılet Mýkýshev jáne keńes músheleri Janat Shamakova men Berikhan Nurǵalıev «Otbasy men mektep seriktestigi: resýrstar jáne olardyń mektep ál-aýqatyna qosatyn úlesi» taqyrybynda trenıng uıymdastyrdy.
Al Qundylyq.kz muǵalimderdi kásibı damytý ortalyǵynyń pedagog-treneri Abylaı Nurdáýlet «Qundylyqtarǵa negizdelgen úshtik odaq» taqyrybynda sóz sóılep, tárbıe júıesindegi ózekti máselelerge nazar aýdartty.
Forým aıasynda 10-synyp oqýshysy Aldııar Jomart «SEL: jaıly orta – jarqyn bolashaq» taqyrybynda pikir bildirip, qolaıly bilim berý ortasynyń oqýshy damýyna yqpalyn atap ótti.
Sondaı-aq, Qaraǵandy qalasyndaǵy Á. Ermekov atyndaǵy mektep-lıseıiniń ata-analar mektebiniń úılestirýshisi, Qaraǵandy oblysy Ákeler odaǵynyń múshesi О́mirserik Nesipbaev «Otbasy men mektep seriktestigi – balanyń tabysty bolashaǵynyń kepili» taqyrybynda baıandama jasady.
Qaraǵandy oblystyq Ákeler odaǵynyń múshesi, Abaı atyndaǵy mektep-gımnazııasynyń belsendi ákesi Marat Pirmetov «Ákeler odaǵy: bala tárbıesindegi birlik pen jaýapkershilik» taqyrybynda ákeniń otbasydaǵy róline toqtaldy.
Is-shara barysynda mektep túlekteri Meıirlan Tóleýish pen Mansur Jáken «BINOM – armandar oryndalatyn baqyt mekeni» atty trenıng-praktıkým ótkizip, bilim ordasynan alǵan tájirıbeleriniń ómirlik mańyzy týraly aıtty.
Forým qorytyndysynda mektep dırektory Satjan Omarov ata-analar qaýymdastyǵy men bilim berý uıymy arasyndaǵy yntymaqtastyqtyń mańyzyn atap ótip, mundaı alańdardyń tájirıbe almasý úshin tıimdi ekenin jetkizdi.
Keri baılanys barysynda ata-analar men qonaqtar jyly lebizderin bildirip, óz usynystaryn ortaǵa saldy. Is-shara ulttyq naqyshtaǵy mýzykalyq qoıylymmen jáne alǵys bildirý rásimimen qorytyndylandy.
Atalǵan forým bilim berý uıymdary arasynda tájirıbe almasýǵa, mektep pen otbasy arasyndaǵy seriktestikti nyǵaıtýǵa jáne jas urpaqty jaýapty, sanaly azamat retinde tárbıeleýge baǵyttalǵan mańyzdy alań boldy.
