Atyraýda 2 mlrd. teńgeniń aıyppuly óndirilmegen

ATYRAÝ. 26 aqpan. Atyraý oblysynda byltyr memlekettik organdar jalpy somasy 15 mlrd. teńgeden asatyn ákimshilik aıyppul salý týraly 108 591 qaýly shyǵarǵan. Aıypuldyń 13 mlrd. teńgege jýyǵy óndirilip, tıisinshe, 2 mlrd. teńge qaldyq qalǵan. Bul týraly Atyraý oblystyq prokýratýrasy habarlady. Prokýratýra qyzmetkerlerimen júrgizilgen tekserýlermen ýákiletti organdar tarapynan birqatar zań buzýshylyq faktileri anyqtaldy. Máselen, prokýrorlardyń tekserýlerimen sot oryndaýshylaryna joldanbaǵan jalpy somasy 202 954 726 teńgeni quraıtyn 539 ákimshilik materıaldar anyqtalyp, ýákiletti memlekettik organdar men atqarýshylyq is júrgizý organdarynyń tıisti túrde jumys istemeıtindigi, sonymen qatar, osy organdar arasynda ózara is-qımyldyń nashar ekendigi belgili boldy. О́tken jyly memlekettik organdar jalpy somasy 15 mlrd. teńgeden astam bolatyn ákimshilik aıyppul salý týraly 108 591 qaýly shyǵaryp, onyń ishinde 13 mlrd. teńgege jýyǵy óndirilip alynypty. Al óndirilmegen aıyppuldyń qaldyq somasy – 2 mlrd. teńge. Ákimshilik aıyppuldardy óńdirip alý deńgeıi  byltyr alǵash ret 78 paıyzǵa jetti. Aldyńǵy jyly bul kórsetkish 34 paıyzdy quraǵan eken. Memlekettik kiris organdarymen salynǵan aıyppuldar boıynsha óndirilmegen somanyń eń úlken qaldyǵy 1,5 mlrd teńge bolsa, ishki ister organdarymen 100 mln. teńge, sot oryndaýshylarmen 800 mln. teńgeni qurap otyr. Joldasbek Shópeǵul. Derek, sýret: Atyraý oblysynyń prokýratýrasy.