Foto: Pixabay
Qazirgi tańda kúızeliske túsken azamattar áleýmettik jeliler arqyly «psıholog» retinde ózin tanystyratyn, biraq tıisti bilimi men ruqsaty joq mamandarǵa júginedi. Olar sońǵy qarajatyn jumsap, uzaq ýaqyt boıy keńes alsa da, jaǵdaıy jaqsarmaýy múmkin. Al mundaı jaǵdaıǵa shaǵymdaný múmkindigi joq, sebebi bul sala zańmen rettelmegen.
Ashat Aımaǵambetovtiń aıtýynsha, eger taǵam daıyndaǵan adam halyqty ýlandyrsa – ol jaýapkershilikke tartylady. Al adamnyń taǵdyryna áser etetin jalǵan psıhologtar úshin ázirge naqty jaýapkershilik qarastyrylmaǵan. Endi bul jaǵdaı túbegeıli ózgertiledi.
Jańa zań jobasy sheńberinde birqatar mańyzdy talaptar engiziledi. Atap aıtqanda, psıhologtardyń biryńǵaı resmı reestri jasalady, mamandardyń dıplomy mindetti túrde tekseriledi, sondaı-aq olardyń kásibı jaýapkershiligi naqty bekitiledi. Sonymen qatar kásibı qupııany saqtaý mindeti engiziledi, al psıholog pen psıhıatrdyń qyzmeti naqty ajyratylatyn bolady.
Depýtattyń aıtýynsha, memleket úshin adamnyń psıhıkalyq saýlyǵy – jaı turmystyq qyzmet emes, asa jaýapty jáne mańyzdy sala. Sondyqtan bul baǵyt zańmen rettelip, baqylaýǵa alynýy tıis.
Negizgi maqsat – kómek izdegen árbir azamatqa qaýipsiz, sapaly jáne kásibı psıhologııalyq qoldaý júıesin qamtamasyz etý.
