Atalǵan platforma 2024 jyldyń maýsymynda iske qosylǵan. Búginde ol memlekettik organdarmen baılanys ornatýdyń tıimdi quralyna aınaldy. О́tinish joldaý úshin Telegram-da chatqa kirip, tirkelý, máseleniń fotosyn tirkeý, mekenjaıyn kórsetý jáne qysqasha sıpattama berý jetkilikti. О́tinim avtomatty túrde jaýapty organdarǵa jiberiledi.
Servıstiń basty artyqshylyqtarynyń biri – ashyqtyq. Paıdalanýshy ótinishtiń oryndalý barysyn tolyq baqylap, jumys aıaqtalǵan soń fotoesep alyp, onyń sapasyn baǵalaı alady.
«Taza Qazaqstan»: Polısııa 3 myńnan astam zańsyz qoqys úıindisin joıdy
Barlyq ótinishter 21 sanat boıynsha jikteledi. Olardyń qatarynda aýmaqty tazalaý, qoqys shyǵarý, jol jóndeý, jaryqtandyrý, kógaldandyrý jáne sý aıdyndaryn tazartý sııaqty baǵyttar bar. Bul júıe ótinishterdi jedel saralap, tıisti qyzmetterge baǵyttaýǵa múmkindik beredi.
2025 jyldyń qorytyndysy boıynsha chat-bot arqyly 26 myńnan astam ótinish túsip, onyń 24 myńnan astamy oryndalǵan. Eń kóp suranysqa ıe baǵyt – aýmaqtardy tazalaý.
Al 2026 jyldyń alǵashqy toqsanynda 4 myńnan astam ótinish tirkelip, olardyń basym bóligi oryndalǵan.
«Taza Qazaqstan»: Elordalyq kásipkerlerge tazalyqty saqtaý jóninde chek-paraqshalar taratyldy
Jalpy, @TazaQazBot sekildi sıfrlyq sheshimder turǵyndar men memleket arasyndaǵy baılanysty nyǵaıtyp, máselelerge jedel áreket etýge, ákimdikter jumysynyń tıimdiligin arttyrýǵa jáne eldi mekenderde tártip ornatýǵa yqpal etýde.
