QOǴAMDAǴY TURAQTYLYQ – BASTY QUNDYLYǴYMYZ

Qazaqstan Respýblıkasy Konstıtýsııasynyń 15 jyldyǵy qarsańynda Elimizdiń Ata Zańynda memlekettiń túbegeıli qaǵıdattary, qoǵamdaǵy tatýlyq pen saıası turaqtylyq, ekonomıkanyń damýy, patrıotızm men barlyq máselelerdiń ashyq túrde sheshilýine baılanystylyǵy atap kórsetilgen. Demek, ár qazaqstandyq  osy qundylyqtardy berik saqtap, táýelsiz elimizdiń gúldenýine  óz úlesin qosýy tıis. Osy maqsatty kózdegen oblystyq ishki saıasat basqarmasy “Ata Zań – eldigimniń, erligimniń nyshany” degen taqyrypta dóńgelek ústel ótkizip, oǵan memlekettik qyzmetkerler, saıası partııalar men “Jastar qanatynyń” jetekshileri, etnomádenı ortalyq basshylary, joǵary oqý oryndarynyń ustazdary qatystyrylyp, keń kólemdi pikir almasýdyń mańyzdylyǵyna mán berildi. Otan – otbasynan bastalady. Demek, shańyraqta ózara birlik, syılastyq bolmasa, onyń shyrqy buzylady. Júzden asa ulttar men ulystardyń mekeni Qazaqstanda saıası turaqtylyq pen tatýlyq aýqymynyń keńdigi túsinikti jáıt. Demek, ony ornyqtyrý kóp etnos­ty memlekettiń árdaıym kókeıinde bolatyn másele ekenin atap aıtqan jón. Osy oraıda “El turaqtyly­ǵynyń kepili – Ata Zań” degen taqyrypta oblystyq ishki saıasat basqarmasynyń bastyǵy Gúljııan Súleımenova qoǵam damýyndaǵy asa mańyzdy máseleler men adam quqyǵy men bostandyqtary jaıly oıyn búgingi ómirmen baıla­nystyra ortaǵa saldy. Egemen elimizdegi memlekettik bıliktiń birden-bir bastaýy – halyq. Elimizdiń qalyptasý ta­rıhynda erekshe mańyzdy mereke­ler Qazaqstan Respýb­lıkasy Konstıtýsııasynyń 15 jyldyǵy jáne egemendigimizdiń 20 jyldy­ǵyna arnalǵan jıynda osy aıtýly datalarǵa baılanysty óńirdegi atqarylǵan jumystarǵa keńinen oryn berildi. Bıyl Qazaqstan Ata Zańǵa sáı­kes órkenıetti, quqyqty, zaıyr­ly jáne demokratııalyq memleket qurý baǵytyn odan ári ustanyp, saıasat sahnasynda álemdi moıyn­datqan tabystarǵa qol jetkizýde. Álemdik arenadan berik oryn alyp, Eýropa qoǵamdastyǵynyń múshesi boldy. Burynǵy 15 respýblıkanyń, musylman áleminiń, túrik dúnıe­siniń ishinde alǵash bolyp Eýro­pa­daǵy qaýipsizdik jáne yntymaq­tastyq uıymyna tóraǵalyq etýi memleketimiz úshin de, halyq úshin de úlken abyroı. Búgingi kúni óńirde azamattyq qoǵam ınstıtýttary qatarynda 9 saıası partııa fılıaly, 23 áıel­der, 46 jastar birlestigi, 20 ardagerler, 12 salalyq kásipodaq uıymy, 71 etnomádenı ortalyq músheleri halyqpen tyǵyz baı­lanysta jumys atqaryp, el ishin­degi birlik pen yntymaq­tastyqqa negiz qalap otyr. Azamattyq qo­ǵamnyń negizin qu­raıtyn úkimet­tik emes uıymdar de­sek, aǵymdaǵy jyly 177 úkimettik emes uıym memlekettik tirkeýden ótip, qyzmetterin el ómirindegi baıandy bastamalarǵa únqosý arqy­ly qyzmetterin atqarýda. Olar kóp­etnosty Jetisý jurtshy­ly­ǵy­nyń yntymaqty, berekeli tirligin arqaý etip keledi. Partııa qashanda halyqty jaq­sy isterge bastaıdy. Jıynda “Nur Otan” halyqtyq-demokratııalyq partııasy oblystyq fılıaly tór­aǵasynyń birinshi orynbasary A.Seıitov elimizdi birlik pen be­rekege bastaǵan “Nur Otan” par­tııasynyń maqsat-mindetteri men onyń músheleriniń belsendiligi jaıly, Ilııas Jansúgirov atyndaǵy Jetisý memlekettik ýnıversıtetiniń oqytýshysy B.Sarıev búgingi qoǵam damýyna jan-jaqty sholý jasap, adam quqyǵy men bostandyǵy, onyń artyqshylyǵy jaıly oılaryn ortaǵa saldy. Qazaqstan demokratııalyq “Azat” partııasy oblystyq fılı­aly­nyń jetekshisi Á.Ahmadıeva Eýropadaǵy qaýipsizdik jáne yn­tymaqtastyq uıymy aıasynda jáne halyqaralyq kelisim sheńberinde Qazaqstan azamattarynyń quqyq­taryn qorǵaý qaǵıdattary taqy­rybynda sóılep, beıbit maqsattaǵy jıyndar ótkizý, sóz bostandyǵy baptarynyń oryndalýy jaıly pikirimen bólisti. Qazaqstan Halyqtyq kommý­nıs­tik partııasy oblystyq fı­lıalynyń tóraǵasy M.Magerramov Konstıtýsııada azamattardyń qu­qyqtary men bostandyqtaryn paıdalaný múmkindikteri jaıly aıtsa, Almaty oblystyq “Máde­nıet” qoǵamdyq birlestigi qyz­metkerleri kásipodaǵynyń tóraǵasy O.Qulmaǵambetov táýelsizdigimizdi nyǵaıtýdaǵy Ata Zańnyń orny jáne halyqty jumyspen qamtý, olardyń áleýmettik-turmystyq jaǵdaıyn jaqsartý kezek kúttir­meıtin mindet ekendigin, oblystyq ardagerler keńesiniń tóraǵasy E.Dalbaǵaev ómirlik tájirıbesinen mysaldar keltirip, búgingideı beıbit te baqýatty ómirge jetkizgen Ata Zańdy baǵalaı bilý qajettigin atap kórsetti. Jıynda kóp jyl óńirde jaýap­ty qyzmet atqarǵan ardaqty ana B.Saqaýova sóılep, Altaıdan Edilge deıingi alyp aımaqtaǵy Qazaq eliniń búgingi qol jetkizgen tabystaryna rızashylyǵyn bil­dirdi. Elbasynyń kóregendigi, sara saıasaty arqasynda halyqtyń áleýmettik jaǵdaıy ózge kórshiles memleketterden áldeqaıda jaqsar­ǵanyn atap ótti. Kórshi Qyrǵyz­standaǵy eldi alańdatqan búgingi jaǵ­daıdan mysal keltirip, Kons­tıtýsııa degenimiz adamǵa quqyqpen birge mindet, jaýapkershilik júk­teıtinin jetkizdi. Sondyqtan erkindikti jeleý etip, el birligine nusqan keltirmeı, birlik, adam­dardyń bir-birine degen qaltqysyz senimin qalyptastyrýǵa umtylý qajettigine toqtaldy. Qoǵamnyń damýyna jastardyń qosar úlesi zor. Osy másele jaıly Ilııas Jansúgirov atyndaǵy Jetisý memlekettik ýnıversıteti quqyq­taný fakýltetiniń stýdenti A.Bas­shyǵulova jas tolqynnyń qajyr-qaıratyn janyp, eljandylyq sezimin oıatýǵa osyndaı kezdesý­lerdiń bereri mol ekendigin aıtty. Sondaı-aq, el bolashaǵy úshin jaýap­kershilikterin sezinetindik­terine, Otanymyzdyń órkendeýine kúsh-jigerin jumsaıtyndyqtaryna sendirdi. Áńgimeni qorytyndylaǵan oblys ákiminiń orynbasary S.Muqanov osy kúni kóterilgen máseleler men suraqtarǵa jaýap berip, ómirdegi osyndaı kezde­sýlerdegi ashyq áńgimeniń beretini mol ekendigin jetkizip, saıası partııa men qoǵamdyq uıym ókilderin birlese qyzmet etýge shaqyrdy. Kúmisjan BAIJAN, Almaty oblysy.