Eń arzan kólik retinde Lada Granta sanalady. Onyń baǵasy shamamen 5–6 mıllıon teńgeden bastalady. Bul model qarapaıym kondısıoner, aýdıojúıe jáne qaýipsizdikke arnalǵan bazalyq elementter bar. Qozǵaltqyshy 1.6 lıtr, mehanıkalyq berilis qorabymen jabdyqtalǵan.
Ekinshi orynda – Chevrolet Cobalt. Ol Qazaqstandaǵy eń kóp satylatyn modelderdiń biri. Baǵasy 6.6–7.2 mıllıon teńge aralyǵynda. Kólikte avtomatty berilis qoraby, kondısıoner jáne negizgi qaýipsizdik júıeleri qarastyrylǵan.
Úshinshi – JAC S3 Pro krossoveri. Onyń baǵasy shamamen 6.7–7 mıllıon teńge. Kólik varıatormen qamtylǵan, kamera, klımat-baqylaý jáne zamanaýı mýltımedıa júıesi bar.
Sonymen qatar Chery Tiggo 2 Pro krossoveri de osy baǵa sanatyna kiredi. Ol shamamen 7 mıllıon teńge turady.
Tizimdi Chevrolet Onix tolyqtyrady. Onyń baǵasy 7–7.6 mıllıon teńge aralyǵynda.
Budan bólek, 8 mıllıon teńge sheginde JAC J7, Jetour X50, Lada Niva, Lada Vesta jáne Kia Soluto sııaqty modelderdi de kezdestirýge bolady.
Jalpy alǵanda, bul segmenttegi kólikter negizinen bıýdjetke saı jasalǵan, qarapaıym, biraq kúndelikti qoldanýǵa jetkilikti fýnksıonalǵa ıe avtomobılder bolyp sanalady.
