Aqtoǵaıdaǵy alaman báıge bıyl onynshy ret uıymdastyrylyp, dástúrge aınalyp otyr. Doda júıeli túrde qalyptasqan brendke aınalyp keledi. Ásirese qatarynan ekinshi jyl demeýshilik jasaǵan KAZ Minerals Aktogay kompanııasynyń qoldaýy dodanyń salmaǵyn arttyrǵan. Bıyl júlde qory 21 mıllıon 650 myń teńgege jetti.
Bıylǵy jarys aıasynda bes túrli báıge uıymdastyryldy. Atap aıtqanda, taı báıgesi (3 km), qunan báıge (8 km), alaman báıge (18 km), sondaı-aq Aqtoǵaı kenti men Qopa aýylynyń arnaıy júldesine arnalǵan taı jarysy (3 km) jáne alaman báıge (18 km) ótti. Jalpy dodaǵa taı, qunan jáne júırik attardy qosqanda 117 tulpar qatysty. Báıgege Abaı oblysymen qatar, Qyzylorda, Pavlodar, Jetisý, Almaty, Shyǵys Qazaqstan óńirlerinen jáne ózge de aımaqtardan kelgen sáıgúlikter qosyldy.
Qopa aýyly men Aqtoǵaı kentiniń júırikteri arasynda ótken alaman báıgede 27 at jarys jolyna shyqty. Nátıjesinde Hantory birinshi kelip, 3 000 000 teńge júldeni ıelendi (ıesi ári bapkeri – Dana Álıjan, shabandozy – О́mekeı Sanjar, Qopa aýyly). Ekinshi oryndy Botakóz (ıesi – Dosaev Aıan, shabandozy – Beısenbaev Aqyljan, Aqtoǵaı kenti) alyp, 2 000 000 teńge júldege qol jetkizdi. Úshinshi bolyp Qaratorǵaı keldi (ıesi – Muhamedjanov Nurjan, shabandozy – Samatuly Arnur, bapkeri – Qaıyrbaev Berikhan, Qopa aýyly) – 1 500 000 teńge. Tórtinshi oryn Lashynǵa buıyrdy (ıesi – Muńsyzbaev Rýslan, shabandozy – Hamza Amangeldi, bapkeri – Jumahan Syrym, Qopa aýyly) – 1 000 000 teńge. Besinshi oryndy Botakóz (ıesi – Esenjolov Bekbolat, shabandozy – Pahratdınov Almat, bapkeri – Sharıphan Oljas, Qopa aýyly) ıelenip, 500 000 teńge aldy. Altynshy bolyp Qoıanqasqa keldi (ıesi – Erhan Samǵaý, shabandozy – Nurjanuly Qýanyshbek, bapkeri – Seken Qazbek, Qopa aýyly) – 300 000 teńge. Jetinshi oryndy Naızaǵaı (ıesi – Toılybaev Beısembek, shabandozy – Serjan Ernur, bapkeri – Júnisbek Nurasyl, Aqtoǵaı kenti) aldy – 200 000 teńge.
Osy eldi mekender arasynda ótken taı báıgesinde 17 taı baq synady. Birinshi oryndy Toryqyz ıelenip, 500 000 teńge júldege qol jetkizdi (ıesi ári bapkeri – Bekejanov Medet, shabandozy – Naýryzbaı Arsen, Aqtoǵaı kenti). Ekinshi bolyp Gaýhartas keldi (ıesi – Býrataev Erkebulan, shabandozy – Samatuly Arnur, bapkeri – Qaıyrbaev Berikhan, Qopa aýyly) – 400 000 teńge. Úshinshi oryn Aıymzadaǵa buıyrdy (ıesi – Qasymov Tókesh, shabandozy – Serik Dııar, bapkeri – Tókesh Erasyl, Aqtoǵaı kenti) – 300 000 teńge. Tórtinshi bolyp Shapaǵat keldi (ıesi ári bapkeri – Dana Álıjan, shabandozy – О́mekeı Sanjar, Qopa aýyly) – 200 000 teńge. Besinshi oryn Naızaǵaıǵa tıdi (ıesi – Kýlov Aslan, shabandozy – Qalıbek Álıjan, bapkeri – Ashatuly Rasýl, Aqtoǵaı kenti) – 150 000 teńge. Altynshy oryndy Aqtanaý (ıesi – Aqmetjanov Qajytaı, shabandozy – Qajytaı Aısultan, bapkeri – Qajytaı Meıirlan, Qopa aýyly) ıelendi – 100 000 teńge. Jetinshi bolyp Holıboı keldi (ıesi – Qabdoldın Nurjan, shabandozy ári bapkeri – Nurjan Álı, Aqtoǵaı kenti) – 50 000 teńge.
Qunan báıgesinde 25 at jarys jolyna shyqty. Birinshi oryndy Baıraq aldy (ıesi – Aldabergenov Aıdos, shabandozy – Hamza Amangeldi, bapkeri – Rysbek Nurash, Jetisý oblysy, Taldyqorǵan qalasy) – 1 500 000 teńge. Ekinshi oryndy Brend ıelendi (ıesi – Aldabergenov Berik, shabandozy – Samatuly Aısultan, bapkeri – Qazybekov Serik, Jetisý oblysy, Aqsý aýdany, Qapal-Arasan aýyly) – 1 000 000 teńge. Úshinshi bolyp Súlikqara keldi (ıesi – Qaısar Erkinbek, shabandozy – Tilektes Ámirhan, bapkeri – Álimjan Shábenuly, Almaty oblysy, Uzynaǵash aýyly) – 500 000 teńge. Tórtinshi oryn Aıǵasyr enshisinde (ıesi – Úmbetov Ǵabıt, shabandozy – Tólegen Ádiljan, bapkeri – Jatqanbaev Qalymjan, Almaty oblysy, Aqqaınar aýyly) – 300 000 teńge. Besinshi oryndy Jaýynger aldy (ıesi – Sarmanov Ilıas, shabandozy – Aıtqabyl Nuralı, bapkeri – Jarkımbaev Anýar, Jetisý oblysy, Úshtóbe aýyly) – 200 000 teńge.
Pavlodar oblysynda ótken báıgede shabandoz jyǵylyp, aýyr jaraqat aldy
Respýblıkalyq taı báıgesinde 10 taı jarysty. Birinshi oryndy Adelııa ıelendi (ıesi ári bapkeri – Qazbaı Bereke, shabandozy – Jańbyrbaı Temirlan, Almaty oblysy, Espe aýyly) – 500 000 teńge. Ekinshi bolyp Jasmın keldi (ıesi – Úmbetov Ǵabıt, shabandozy – Tólegen Ádiljan, bapkeri – Jatqanbaev Qalymjan, Almaty oblysy, Aqqaınar aýyly) – 400 000 teńge. Úshinshi oryndy Keremet aldy (ıesi – Bershimbekov Qaırat, shabandozy – Ryshan Qýanysh, bapkeri – Erjanov Kenje, Jetisý oblysy, Sarqan qalasy) – 300 000 teńge. Tórtinshi oryn Adııatqa buıyrdy (ıesi – Sarıev Arman, shabandozy – Serik Dııar, bapkeri – Shahabaev Darhan, Almaty oblysy, Jápek Batyr aýyly) – 200 000 teńge. Besinshi bolyp Aıtory keldi (ıesi ári bapkeri – Dosaev Aıan, shabandozy – Maqsuthan Ernur, Aqtoǵaı kenti) – 100 000 teńge.
Alaman báıgede 38 júırik baq synady. Bul jarysta Semser birinshi kelip, 2 500 000 teńge júldeni jeńip aldy (ıesi – Aldabergenov Berik, shabandozy – Samatuly Aısultan, bapkeri – Qazybek Serik, Jetisý oblysy, Taldyqorǵan qalasy). Ekinshi oryndy Ular ıelendi (ıesi – Qamzanov Jasqaırat, shabandozy – Muhamed Tańjaryq, Jetisý oblysy, Úsharal qalasy) – 1 500 000 teńge. Úshinshi bolyp Baqtaımas keldi (ıesi – Asqar Ábilmansur, shabandozy – Pahratdınov Almat, bapkeri – Asqar Qanat, Almaty oblysy, Baqanas aýyly) – 1 000 000 teńge. Tórtinshi oryn Álhaırǵa buıyrdy (ıesi ári bapkeri – Aryqbaev Berik, shabandozy – О́mekeı Sanjar, Almaty oblysy, Uzynaǵash aýyly) – 800 000 teńge. Besinshi bolyp Erkejıren keldi (ıesi – Shaıhın Qojahmet, shabandozy – Anýarhan Nursultan, bapkeri – Isaev Berdibek, ShQO, Jambyl aýyly) – 700 000 teńge.
Jarys barlyq qaýipsizdik talaptaryna saı ótti. Jedel járdem, tártip saqshylary men qutqarý qyzmeti tolyq jumyldyryldy.
«Aqtoǵaı Arǵymaǵy – 2026» ulttyq sportty ulyqtap qana qoıǵan joq, óńirler arasyndaǵy atbegilik dástúrdiń sabaqtastyǵyn aıqyndaǵan mazmundy alamanǵa aınaldy.
