Ulttyq ýnıversıtet ǵylymı «Dintaný» jýrnalyn jaryqqa shyǵarady

Ál-Farabı atyndaǵy Qazaq ulttyq ýnıversıteti, fılosofııa jáne saıasattaný fakýlteti, dintaný jáne mádenıettaný kafedrasynyń bastamasymen «Dintaný» salasy boıynsha ǵylymı jýrnal jaryqqa shyqpaq. QazUÝ habarshysynyń «Dintaný» serııasy – Qazaqstanda alǵash ret dintanýdy ǵylymı zertteý jáne akademııalyq oqytý nysany retinde zertteýge baǵyttalǵan ǵylymı-teorııalyq jýrnal bolyp tabylady. Jýrnalda dintanýdyń barlyq baǵyttary qamtylyp, ózekti máseleleri talqylanyp, irgeli jáne qoldanbaly zertteýler nátıjesi jarııalanady dep jos­parlanyp otyr. Sonymen qosa, dintaný salasyndaǵy joǵary bilikti mamandardy daıarlaý úshin arnaýly mamandandyrylǵan jýrnaldyń bolýy, qazirgi joǵary bilim berýdiń zamanaýı suranystaryna jaýap beredi. Basylymnyń redaksııalyq alqasynyń quramy Qazaqstan, Ulybrıtanııa, Kanada, Túrkııa, Reseı dintanýshy ǵalymdarynan jınaqtalǵan. Mazmundyq turǵydan alǵanda, jarııalanymdardy baspaǵa qabyldap, irikteýdiń basty ólshemi ǵylymılyq jáne zaıyrlylyq bolmaq. QazUÝ Habarshysy «Dintaný» serııasynyń redaksııalyq alqasy din máselelerine qyzyǵýshylyq tanytqan ǵalymdar, oqytýshylar, memlekettik jáne qoǵamdyq uıymdardyń mamandaryn, doktoranttar men magıstranttardy birlesken qyzmetke shaqyryp otyr. Basylymnyń ǵylymı redaktory – fılosofııa ǵylymdarynyń doktory, dintaný jáne mádenıettaný kafedrasynyń professory N.Baıtenova. Aınash ESALI, «Egemen Qazaqstan». ALMATY.