Foto: TJM
Jylytý maýsymy barysynda turǵyn úı sektorynda 3359 órt tirkelip, bul ótken jylmen salystyrǵanda 16%-ǵa tómendedi. О́rt saldarynan jaraqat alǵandar sany da aıtarlyqtaı qysqaryp, 173-ten 125 adamǵa deıin azaıdy (-28%). Al qaza tapqandar sany 181-den 175 adamǵa deıin tómendep, 3,3%-dy qurady.
Sonymen qatar peshti paıdalaný erejelerin buzý saldarynan ýly gazben ýlaný jaǵdaılary da azaıǵan. Mundaı oqıǵalardan 28 adam kóz jumdy, bul ótken jylmen salystyrǵanda 17%-ǵa az. Zardap shekkender sany 12%-ǵa tómendep, 104 adamdy qurady.
Jylytý kezeńine daıyndyq jumystary aldyn ala bastalǵan. О́rtke qarsy qyzmet komıteti ótken maýsym tájirıbesin eskere otyryp, profılaktıkalyq sharalar josparyn ázirledi. Bul jumystar 2025 jylǵy 15 tamyzdan bastap júrgizilip, jylytý maýsymy boıy jalǵasty.
Tótenshe jaǵdaılar mınıstrliginiń málimetinshe, ásirese áleýmettik osal toptarǵa erekshe nazar aýdaryldy. Naqty aıtqanda, 108 myńnan astam turǵyn úı men 225 myńnan astam kópbalaly otbasy esepke alyndy. Aýlalardy aralaý barysynda 1,8 mln turǵyn úı qamtylyp, 5,7 mln azamatqa túsindirý jumystary júrgizildi.
Tekserý nátıjesinde 500 myńǵa jýyq órt qaýipsizdigi talaptarynyń buzylýy anyqtalyp, olardyń basym bóligi sol jerde joıyldy. Budan bólek, qaýipti faktorlardy erte anyqtaý úshin 51 myńnan astam arnaıy datchık ornatyldy. Bul qurylǵylar gaz ben janý ónimderiniń qaýipti deńgeıin anyqtaýǵa múmkindik beredi.
