Foto: QFF
Sportshy áleýmettik jelidegi paraqshasynda jankúıerlerge úndeý joldap, klýbpen qoshtasýdy maýsym sońynda jeke ózi jetkizýdi josparlaǵanyn, alaıda málimettiń aldyn ala jarııalanyp ketkenin atap ótti.
«Men árqashan jankúıerlerime ashyq boldym. Sondyqtan bul sheshimdi óz aýzymnan estýlerińizdi qaladym», dedi ol.
Birjan Orazov sońǵy 8 jyl boıy «Qaırat» sapynda óner kórsetken. Onyń aıtýynsha, klýbtan ketý – jeke tańdaýy. Sonymen qatar ol osy maýsymdy komandamen birge aıaqtaıtynyn naqtylady.
Fýtzalshy «Qaırat» quramynda óner kórsetken jyldary ishki birinshilikte de, halyqaralyq deńgeıde de joǵary nátıjelerge qol jetkizip, Qazaqstan fýtzalynyń jetekshi oıynshylarynyń biri retinde tanyldy.
Birjan Orazovtyń jetistikteri de aıryqsha. 2022 jylǵy Eýropa chempıonatynda 7 gol soǵyp, «Altyn býtsy» júldesin ıelengen alǵashqy qazaqstandyq atandy. Sondaı-aq ol ulttyq qurama sapynda 70-ten astam match ótkizip, bul kórsetkish boıynsha úzdik jeti oıynshynyń qataryna kiredi.
Budan bólek, 2024 jylǵy álem chempıonatynda Ispanııa quramasyna qarsy kezdesýde 7-sekýndta gol soǵyp, álem chempıonattary tarıhyndaǵy eń jyldam goldardyń biriniń avtory boldy.
«Keleshek mektepteri» oqýshylary arasynda fýtzaldan respýblıkalyq týrnır aıaqtaldy
