Atalǵan aksııaǵa 980 myńǵa jýyq adam qatysyp, 253 myńǵa jýyq aǵash otyrǵyzylǵan. Sondaı-aq bir kúnde 46 myń gektardan astam aýmaq tazartylǵan. Is-sharaǵa 200-den astam iri óndiristik kásiporyn atsalysqan. Sonymen qatar, bıyl 100 jyldyq mereıtoıyn atap ótip otyrǵan Aqsý-Jabaǵyly memlekettik tabıǵı qoryǵy, Baıanaýyl ulttyq parki, Jaıyq pen Shaǵan ózenderiniń jaıylmalary aýmaqtarynda tazalyq jumystary men aǵash otyrǵyzý is-sharasy uıymdastyryldy.
Aksııa aıasynda elimizdiń barlyq óńiri bir mezette qosylǵan jalpyulttyq telekópir uıymdastyrylyp, bul bastamanyń búkilhalyqtyq sıpat alǵanyn aıqyn kórsetti.
«Taza Qazaqstan»: Ulytaýda jyl basynan beri 2 myń tonnadan asa qoqys shyǵaryldy
Tikeleı beınekonferensııa rejıminde óńir ákimderi, eriktiler jáne qoǵamdyq uıym ókilderiniń qatysýymen Memleket basshysy jazǵy ekologııalyq sharalardyń respýblıkalyq kezeńine resmı túrde start berdi. Prezıdent Qasym-Jomart Toqaev ekologııalyq mádenıetti qalyptastyrýdyń mańyzdylyǵyn atap ótip, «Taza Qazaqstan», «Zań men tártip», «Adal azamat» qaǵıdattary birtutas qundylyqtar júıesin quraı otyryp, kúndelikti basqarý men qoǵamdyq ómirde berik ornyǵýy tıis ekenin jetkizdi.
О́z sózinde Memleket basshysy «Taza Qazaqstan» qozǵalysynyń bastaý alǵanyna eki jyl bolǵanyn eske salyp, aksııaǵa qatysýshylarǵa, ásirese jastarǵa rızashylyǵyn bildirdi.
Toqaev «Taza Qazaqstan» aksııasyna belsendi qatysqan azamattardy marapattady
Aıta keteıik, «Taza Qazaqstan» bastamasyn iske asyrý kezeńinde (2024-2026 jyldar aralyǵy) el boıynsha 1 477 ekologııalyq aksııa ótkizilgen. Olarǵa 13,1 mıllıon adam qatysyp, 2 mıllıon tonnaǵa jýyq qaldyq jınaldy, 2,8 mıllıon gektar aýmaq tazartyldy jáne 5,5 mıllıonnan astam aǵash otyrǵyzyldy.
