Foto: Ashyq derekkóz
Qurylǵynyń tehnologııalyq bazasy tekserý prosesin aıtarlyqtaı jedeldetýge múmkindik beredi. LiDAR jáne mmWave-radaryn paıdalaný arqyly joldyń betki qabaty skanerlenip, tegis emes jerler men zaqymdanýlar naqty ýaqyt rejıminde tirkeledi. Derekterdi jınaý prosesi barynsha avtomattandyrylǵan. Operator ushý aımaǵyn belgilegennen keıin dron marshrýtty ózdiginen qurastyrady. Júıe O4 Enterprise Enhanced derekterdi berý tehnologııasymen jabdyqtalǵan. Bul arqyly turaqty baılanysty qamtylyp, jasandy ıntellekt elementterimen tıimdi jumys isteıdi. Sondaı-aq ıntellektýaldy anyqtaý, kórinetin jáne jylý arqyly túsirilim jasaý, sondaı-aq AR-vızýalızasııa fýnksııalary qoljetimdi. Bul kúrdeli meteorologııalyq jaǵdaılarda jáne kórý múmkindigi tómen kezde de tıimdi jumys isteýge múmkindik beredi.
Astanada tazalyqty baqylaýǵa drondar jumyldyrylady
«Dron qatty jel jaǵdaılaryna beıimdelgen, bul ashyq dala óńirleri úshin asa mańyzdy. Osyndaı tehnologııalardy engizý jol qozǵalysy qaýipsizdigin arttyrý jáne tasjoldardyń sapasyn jaqsartý úshin strategııalyq mańyzdy qadam retinde qarastyrylady. Erte dıagnostıka aqaýlardy qaýipti deńgeıge jetpeı turyp joıýǵa múmkindik beredi. Qazir bul tehnologııany tasjoldardyń jaı-kúıin keshendi dıagnostıkalaý úshin qoldaný múmkindigi qarastyrylyp jatyr. Ol aqaýlardy avtomatty túrde anyqtap qana qoımaı, olardyń kólemin de dál baǵalaýǵa múmkindik beredi», delingen Kólik mınıstrligi taratqan habarlamada.
Internetsiz de ushady: Bolashaq ofıserler dronnyń kómegimen barlaý jasaıdy
