Oqıǵa Qarasaı aýdany Shamalǵan aýylyndaǵy «Jańa qazaq orta mektebinde» bolǵan. Málimetke sáıkes, muǵalim 11-synyp oqýshysyna eskertý jasap, sabaqqa kirýin talap etken. Alaıda oqýshy bul jaǵdaıdy agressıvti qabyldap, pedagogqa shabýyl jasap, dene jaraqatyn keltirgen.
Quqyq qorǵaý organdary bul derek boıynsha qylmystyq is qozǵalǵanyn málimdedi.
«Osy fakti boıynsha bolǵan oqıǵanyń barlyq mán-jaıyn jan-jaqty ári obektıvti anyqtaýǵa baǵyttalǵan tergeý sharalary júrgizilýde», delingen óńirlik polısııa departamentiniń habarlamasynda.
Sonymen qatar bilim basqarmasynyń habarlaýynsha, mektep ákimshiligi, aýdandyq bólim jáne polısııa organdary tarapynan aldyn alý jáne túsindirý jumystary júrgizilip jatyr.
Nurbolat AMANBEK
