Kollajdy jasaǵan – Záýresh SMAǴUL, «EQ»
Kompanııa qazirgi ýaqytta EPCM (ınjınırıng, jabdyq satyp alý jáne qurylys jumystaryn basqarý) merdigerin anyqtaý úshin ashyq halyqaralyq tender ótkizip jatyr. Joba sheńberinde tiginen ıntegrasııalanǵan munaı-gaz hımııasy klasterin qurý kózdelgen.
Keshen tórt negizgi baǵyttan turady:
– munaı óndirý jáne tasymaldaý;
– jylyna 6 mln tonna munaı óńdeıtin zaýyt salý;
– qýaty 200 MVt bolatyn gaztýrbınaly elektr stansasyn iske qosý;
– teńiz sýyn tushylandyrý júıesin engizý.
Joba sıpattamasyna sáıkes, bolashaq munaı óńdeý zaýytynyń óńdeý tereńdigi 95%-dan kem bolmaýǵa, al Nelson ındeksi 10,5-ten joǵary bolýǵa tıis.
Qazaqstan munaı óndirisin taǵy arttyrady: OPEC+ jańa kelisimge keldi
Tehnıkalyq talaptardyń taǵy bir ereksheligi – qara munaı ónimderin taýar retinde shyǵarýǵa tyıym salynǵan. Atap aıtqanda, mazýt, vakýýmdyq gazoıl jáne gýdron kommersııalyq ónim qataryna engizilmeıdi.
Sarapshylar jobany aýqymdy ári tehnologııalyq turǵydan tartymdy dep baǵalap otyr. Degenmen bastamanyń júzege asýyna qatysty kúmán de bar. Negizgi másele – bolashaq zaýytty turaqty shıkizatpen qamtamasyz etý. NRG_monitor arnasynyń málimetinshe, jobanyń taǵdyry kóbine osy máselege baılanysty bolady.
