Qazaqstan shahmatynyń jańa juldyzdary: Saýat pen Zarına el birinshiliginde úzdik atandy

20 ret

kórsetildi

1 mın

oqý úshin

Saýat Nurǵalıev pen Zarına Nurǵalıeva shahmattan Astanada ótken Qazaqstan chempıonatynyń jeńimpazdary atandy, dep habarlaıdy Egemen.kz.

Baıan SÚLEIMENQYZY

Qazaqstan shahmatynyń jańa juldyzdary: Saýat pen Zarına el birinshiliginde úzdik atandy

foto: kazchess.kz

Áıelder arasyndaǵy jarysta 13 týr qorytyndysy boıynsha tórt shahmatshy 9 upaıdan jınap, jeńimpaz taı-breık arqyly anyqtaldy. Rapıd formatyndaǵy qosymsha kezdesýler nátıjesinde Zarına Nurǵalıeva men Merýert Kamalıdenova fınalǵa shyqty. Al Elnaz Qalıahmet qola júldege ıe boldy.

Blıs formatyndaǵy fınalda Zarına Nurǵalıeva qarsylasyn eki partııada da jeńip, altyn medaldi jeńip aldy. Kúmis júlde Merýert Kamalıdenovaǵa buıyrdy.

saýat

Erler týrnırinde Saýat Nurǵalıev sońǵy týrda qarsylasymen teń túsip, 9 upaımen Qazaqstan chempıony atandy. Ekinshi oryndy Jandos Agmanov ıelense, qola medal Ramazan Jalmahanovqa berildi.

Chempıonat aınalmaly júıe boıynsha 13 týrdan turdy. Týrnırdiń jalpy júlde qory 20 mıllıon teńgeni qurady. Bul jarystyń nátıjeleri qyrkúıekte Samarqandta ótetin shahmat olımpıadasyna qatysatyn Qazaqstan quramasyn jasaqtaýda eskeriledi.