SEGIZAIаQ PAÝL “KО́RIPKELDIŃ” QUPIIаSY

Baqsy, balger, kóripkel dese iship otyrǵan asyn tastaı berip eleń ete qalatyndardyń biri – bizdiń qazekeń. Sengish qazaqtar ǵana emes eken. Álem jankúıerleriniń es-túsin keshegi dodada kó­rip­kel osmınog-segizaıaq Paýl alǵany ras. Af­rı­kadaǵy chempıonatta onyń boljaýy aıdaı keldi emes pe. Paýl 2008 jyly aǵylshyndardyń Dorset parkinde dúnıege kelipti. О́ziniń erekshe jara­ty­lys ıesi ekenin bul segizaıaq jándik akva­rıým­ǵa kórermender kelgende ańǵartýǵa tyrysady eken. Búginde ol Germanııanyń Oberhaýzen qalasyndaǵy okeanarıýmde ómir súrip jatyr. 2008 jylǵy Eýropa chempıonatynda Paýl­dyń boljaýy 80 paıyz týra kelgen. Okeanarıým qyz­met­kerleri báske túsetin eki memlekettiń jalaýy bar mıdııa salynǵan qos konteınerdi sýǵa batyr­ǵan­da Paýl jem alǵan konteınerge ja­laýy ilin­gen el jeńiske jetedi eken. Bir kere­meti, Ońtústik Afrıka Respýblıkasynda ótken álem chempıo­natynda Paýldyń sáýegeıligi 100 paıyz rastaldy. Segizaıaq nemistiń asyn iship-jep otyrmyn, kóńilderine kelmesin, aldaı salaıyn degendi bilmedi. Jartylaı fınaldaǵy Germanııa men Ispanııa matchynyń aldynda ol ıspan jalaýy bar konteınerden jem alǵan. Rasynda, Ispanııa jeńdi, Germanııa jeńildi. Qanyna qaraıǵan nemis jankúıerleriniń biri beıshara jándikti borshalap soıyp, qýyryp jeýge daıyn ekenin aıdaı álemge ınternet arqyly bildirtti. Buǵan deıin Avstralııa, Gana, Anglııa jáne Argentına quramalarynyń jankúıerleri de Paýldi ıttiń etinen de jek kóretindikterin jasyrǵan joq. Al, ıspandyqtar fınalǵa ótetinin bildirgen Paýlǵa arnaýly kúzet te qoıdyrmaq bolǵan desedi. Segizaıaq sońǵy matchtardaǵy oıyn taǵdyr­laryn dál kórsetken. Germanııa men Ýrýgvaı úshinshi oryn úshin talasqanda Paýl nemis jankúıerleriniń talaǵyn tars aıyra jazdap, on mınótteı “oılanypty”. Sodan soń Germanııa jalaýy bar konteınerge barǵan. Rasynda, jeńis nemisterge ońaı kelgen joq. Ekinshi taımnyń basynda ýrýgvaılyqtar esepti teńestirgeni bylaı tursyn, biraz ýaqytqa deıin 2:1 esebimen alda turdy ǵoı. Segizaıaq dalbasalaı beredi, bul adam­dardyń oıyny, al mynaý úlken shoý degender de bolǵan. Alaıda, Paýl Germanııanyń úshinshi oryn úshin aıqasta mereıi ústem bolatynyn eki kún buryn boljaǵandyqtan onyń sáýegeıligine álgindeı áńgimeler kóleńke túsire alǵan joq. Kóripkel jándik dúnıe júzin osyndaı tamashaǵa batyryp jatqanda býkmeıkerler keńseleri paıdaǵa belshesinen batypty. Paýl jartylaı fınalda Ispanııa jeńedi dep boljasa da Germanııanyń bir qyzýqandy jankúıeri súıikti quramasy jeńedi dep 500 myń evro salypty. Germanııanyń mereıi ústem bolaty­nyna sengen bundaı bozym jalǵyz bolmasa kerek. William Hill býkmeker keńsesi Germanııanyń jeńilýiniń ózinen ǵana 5 mıllıon evro paıda tapqan. Segizaıaq Paýl álemniń kózqurty bolyp turǵanyn ózi seze me, sezbeı me, bul bólek áńgime. Ol – jaratylystyń adam uǵymyna syımaıtyn bir keremeti, tylsym qupııasy. Aıtaıyq degenimiz, qazir qazaqta balshy, balger, qushynash, sáýegeıler kóbeıip ketti. “Suńqarlar” men “aqqýlar” kóp, áýlıeli jerdi  qoımaı aralap júr olar.  Arýaqtarmen tildesip, arǵy dúnıeniń “jańalyǵyn” bilip otyratyn solardyń abyroıyn Paýl-maqulyq álem chempıonatynda  qatty túsirip ketti. Baqtııar TAIJAN.