Zań bir palataly Parlament – Quryltaıdyń konstıtýsııalyq-quqyqtyq negizderin bekitip, onyń memlekettik bılik organdary júıesindegi ornyn, qyzmet prınsıpterin, qurylymyn, qurylý tártibin jáne ókilettikterin júzege asyrý formalaryn aıqyndaıdy.
Jańa zań shyǵarýshy organ bes jyl merzimge saılanatyn 145 depýtattan turady. Olardyń mártebesi, quqyqtary men mindetteri, sonyń ishinde depýtattyq birlestikterdi, parlamenttik kópshilik pen oppozısııany qurý máseleleri, sondaı-aq depýtattyq ádep qaǵıdalary bekitiledi.
Sonymen qatar zań shyǵarý bastamasy quqyǵyna ıe sýbektiler qatary keńeıtilip, oǵan Qazaqstan Halyq Keńesi engizildi, bul quqyq Quryltaıǵa tıisti sheshim engizý arqyly júzege asyrylady.
Parlament «Prezıdent týraly» Konstıtýsııalyq zańdy ekinshi oqylymda qabyldady
Qabyldanǵan Konstıtýsııalyq zań Quryltaıdyń Úkimetpen ózara is-áreket jasaý tártibin, sonyń ishinde Úkimet músheleri laýazymyna taǵaıyndaý úshin kandıdattarǵa qatysty konsýltasııalar ótkizýdi, olardyń esepterin tyńdaýdy jáne taǵy basqalaryn belgileıdi. Sondaı-aq memlekettik bıýdjet shyǵystaryn qarastyratyn depýtattyq bastamalar boıynsha Úkimettiń qorytyndylaryn úsh aılyq merzimde usyný tártibi belgilenedi.
Atalǵan zań aıasynda Quryltaıdyń Qazaqstan Prezıdentine Vıse-Prezıdent, Premer-Mınıstr, Konstıtýsııalyq Sottyń sýdıalary, Ortalyq saılaý komıssııasy men Joǵary aýdıtorlyq palatanyń músheleri laýazymyna taǵaıyndaýǵa kelisim berýi belgilenedi.
Sondaı-aq Prezıdenttiń usynýy boıynsha Quryltaı depýtattaryna Qazaqstan Respýblıkasy Joǵarǵy Sotynyń sýdıalaryn saılaý ókilettigin berý usynyldy. Budan bólek, zańda Quryltaıdyń Konstıtýsııalyq Sot pen Joǵarǵy Sot sýdıalaryn qol suǵylmaýshylyq quqyǵynan aıyrý tetigi týraly normalar kórinis tapqan.
