Foto: ansamblsaltanat.kz
«Mádenıet – memlekettiligimizdiń rýhanı tiregi, halqymyzdyń tarıhı sanasy men ulttyq bolmysynyń aıqyn kórinisi. Qoǵamdy ortaq qundylyqtar tóńiregine uıystyryp, eldiń rýhanı tutastyǵyn bekemdeıtin qýatty kúsh. Búginde jańa Konstıtýsııa aıasynda mádenıetke, bilimge, ǵylym men ınnovasııaǵa aıryqsha mán berilip otyr. Bul mádenıet salasynyń aldyna jańa mindetter qoıyp, damýdyń tyń múmkindikterin ashty. Endigi maqsat – baı muramyzdy uqypty saqtaýmen qatar, zamanaýı formattardy, sıfrlyq sheshimderdi, kreatıvti ındýstrııalardy jáne kórermenmen, oqyrmanmen, jalpy jurtshylyqpen jumys isteýdiń jańa tásilderin batyl damytý», deıdi mınıstr.
Aıda Balaeva óz sózinde Memleket basshysy mádenıet salasyn órkendetýge, shyǵarmashylyq adamdaryna qoldaý kórsetýge jáne salanyń ınfraqurylymyn nyǵaıtýǵa udaıy erekshe kóńil bólip kele jatqanyn atap ótti.
«Osy júıeli saıasattyń nátıjesinde sońǵy jyldary mádenıet jáne óner qyzmetkerleriniń mártebesin arttyrýǵa, eńbek jaǵdaıyn jaqsartýǵa, óńirlerdegi mádenıet mekemelerin damytýǵa jáne azamattardyń mádenı ıgilikterge qoljetimdiligin keńeıtýge baǵyttalǵan mańyzdy sharalar júzege asyryldy. Prezıdent tapsyrmasyna sáıkes birqatar jetekshi mádenıet mekemelerine «Ulttyq» mártebesi berildi. Bul olardyń qoǵamdaǵy ornyn nyǵaıtyp, qyzmetkerlerdiń eńbekaqysyn arttyrýǵa múmkindik ashty», deıdi Balaeva.
Mınıstrdiń aıtýynsha, ótken jyly 61 mádenıet nysanynyń qurylysy bastalyp, 252 nysan jóndeýden ótken. Bıyl taǵy 64 nysannyń qurylysy júrip jatyr. Sıfrlyq damý baǵytynda da naqty nátıjeler bar. Búginde E-Museum platformasy 284 mýzeıdi biriktirip, 65 myńnan astam jádiger men 750-ge jýyq 3D-artefaktini qamtyp otyr.
Aıda Balaeva: Mádenıet salasy kreatıvti ındýstrııalardyń qozǵaýshy kúshine aınaldy
Mınıstr 600 mádenıet qyzmetkeri qatysqan «Mádenıet jáne ınnovasııa» forýmy salanyń zor áleýetin, mamandardyń jańarýǵa daıyn ekenin bildiretinin atap ótti. Sondaı-aq mádenıet salasy burynǵydan da ashyq, jańashyl ári halyqqa jaqyn bola túskenin aıtty.
«Osy mereıli kúni mádenıetke kún saıyn adal qyzmet etip júrgen barsha azamattarǵa erekshe alǵys aıtqym keledi. Artısterge, mýzykanttarǵa, kitaphanashylarǵa, mýzeı jáne arhıv qyzmetkerlerine, rejısserlerge, sýretshilerge, horeograftarǵa, sahna maıtalandaryna, pedagogterge, tehnıkalyq mamandarǵa jáne elimizdiń rýhanı baılyǵyn saqtap, damytyp júrgen barlyq sala ókilderine shynaıy rızashylyǵymdy bildiremin. Sizderdiń eńbekterińiz ulttyń rýhanııatyn baıytyp, jas urpaqtyń dúnıetanymyn qalyptastyrady, el birligin nyǵaıtady jáne Qazaqstannyń álemdik mádenı keńistiktegi bedelin arttyra túsedi», dedi Aıda Balaeva.
Mádenıet salasyndaǵy memlekettik stıpendııa sany eki ese artady
