Foto: Getty images
Parıjde ótetin «Rolan Garros» - 2026 Úlken dýlyǵa týrnıriniń jerebesi tartyldy. Onyń qorytyndysy boıynsha týrnırdiń bastapqy oıyndarynda tórt tennısshimiz óner kórsetedi. Olar Elena Rybakına, Aleksandr Býblık, Iýlııa Pýtınseva jáne Aleksandr Shevchenko.
Qazaqstannyń birinshi raketkasy Elena Rybakına «Rolan Garrostaǵy» alǵashqy aınalymda Slovenııalyq Veronıka Erıavespen baq synaıdy.
Iýlııa Pýtınseva birinshi kezdesýin Avstralııalyq Talııa Gıbsonmen ótkizedi.
Qazaqstan erler quramasynyń kóshbasshysy Aleksandr Býblık Parıjde tájirıbeli tennısshi nemis Iаn-Lennard Shtrýfqa qarsy oınaıdy.
Rımdegi basymdyq: Rybakına WTA 1000 týrnıriniń shırek fınalyna shyqty
Aleksandr Shevchenko bolsa týrnırdiń basynda amerıkalyq Aleks Mıkelsenmen synǵa túsedi.
«Rolan Garros» - 2026 týrnıri óz tarıhyndaǵy eń qymbat týrnır bolǵaly tur. Jarystyń jalpy júlde qory 72,8 mln dollardy quraıdy. Bizdiń valıýtaǵa shaqqanda bul 34 mlrd teńgeden asady. О́tken maýsymmen salystyrǵanda bul soma shamamen 9,5 mıllıon dollarǵa ósken.
Aleksandr Býblık Mıýnhendegi týrnırdiń alǵashqy aınalymynda utylyp qaldy
Aıta keteıik, tennıs týrnıri Fransııa astanasynda 18 mamyrdan 7 maýsym aralyǵynda ótedi. Tennısshiler topyraqty kortta kimniń myqty ekenin anyqtaıdy.
