Ádistemelik ortalyq mamandary, ata-analar qaýymdastyǵy, pedagogter men mektep oqýshylary qatysty. Qonaqtar mekteptegi bilim berý úderisindegi jańashyl baǵyttarmen, oqýshylardyń jetistikterimen jáne shyǵarmashylyq jumystarymen tanysty.
Birinshi bólimde mekteptiń ónerli oqýshylary merekelik konserttik baǵdarlama usynyp, qonaqtarǵa kóterińki kóńil kúı syılady. Oqýshylar patrıottyq jáne tárbıelik máni joǵary ánder oryndap, teatrlyq qoıylym kórsetti. Sonymen qatar ulttyq ónerdi nasıhattaý maqsatynda dombyrada kúıler oryndaldy. Oqýshylardyń sahna mádenıeti men shyǵarmashylyq qabiletteri kórermen tarapynan joǵary baǵalandy.
Ekinshi bólimde 1-10 synyp oqýshylarynyń ǵylymı-zertteý jáne shyǵarmashylyq jobalarynyń kórmesi uıymdastyryldy. Kórme barysynda oqýshylar óz jobalaryn tanystyryp, zertteý jumystarynyń maqsaty men nátıjeleri týraly jan-jaqty aqparat berdi. Usynylǵan jumystar ekologııa, sıfrlyq tehnologııa, oqý saýattylyǵy, STEAM baǵyty, ulttyq qundylyqtar, jaratylystaný jáne áleýmettik baǵyttardy qamtydy. Qonaqtar oqýshylardyń zertteýshilik daǵdylaryna, shyǵarmashylyq izdenisterine jáne jobalardy qorǵaý deńgeıine oń pikir bildirdi.
Úshinshi bólimde is-sharaǵa qatysqan qonaqtardan keri baılanys alyndy. Ádistemelik ortalyq mamandary mekteptegi jobalyq jumystardyń júıeli uıymdastyrylǵanyn atap ótip, oqýshylardyń fýnksıonaldyq saýattylyǵyn damytýǵa baǵyttalǵan jumystarǵa joǵary baǵa berdi. Ata-analar tarapynan da is-sharanyń mazmunyna, oqýshylardyń belsendiligine jáne mekteptiń shyǵarmashylyq ortasyna qatysty oń pikirler aıtyldy.
«119 joba, 119 múmkindik – bir bolashaq» atty úzdik tájirıbe alańy mekteptiń bilim berý men tárbıe baǵytyndaǵy júıeli jumysynyń nátıjesin kórsetken mańyzdy is-shara boldy. Is-shara oqýshylardyń ǵylymı izdenisin, shyǵarmashylyq qabiletin damytýǵa, ata-ana men mektep arasyndaǵy yntymaqtastyqty nyǵaıtýǵa jáne pedagogterdiń tájirıbe almasýyna tıimdi múmkindik berdi.
