Astanada eki oqýshy kóp qabatty úıden sekirip, jantásilim etti

ASTANA. 14 mamyr. Astanada óz-ózderine qol jumsaǵan eki oqýshy qyzdyń ólimine baılanysty polısııa qyzmetkerleri tergeý amaldaryn qolǵa aldy. Bul týraly qalalyq ishki ister departamentiniń baspasóz qyzmeti habarlady. Oqýshy qyzdar kóp qabatty turǵyn úıdiń balkonynan sekirip ketken. Astana qalalyq ishki ister departamenti baspasóz qyzmeti taratqan málimetterge súıensek, qaıǵyly oqıǵa qalanyń Shákárim Qudaıberdiuly dańǵylyndaǵy úılerdiń birinde tirkelgen. «Qazirgi tańda ózin-ózi óltirý deregi boıynsha polısııa qyzmetkerleri oqıǵanyń anyq-qanyǵyn tekserýde. Jasóspirimderdiń mundaı qadamǵa ne úshin barǵandary, sebep-saldary anyqtalatyn bolady», – delingen baspasóz málimdemesinde. Baspasóz qyzmeti tergeý isine kesiri tımes úshin bul jaıtqa qatysty tolyq málimetterdi habarlaǵan joq. Esterińizge sala keteıik, osydan eki kún buryn Aqtóbede dál osyǵan uqsas qaıǵyly jaıt tirkelgen edi. Qaladaǵy №3 orta mektep oqýshysynyń óz úıinde asylyp ólgeni dúıim jurtty dúrliktirdi. Sáýir aıynyń sońynda dál osy oqý ornynyń muǵalimi de óz-ózine qol salǵan bolatyn. Elaman Qońyr. Derek: Astana qalalyq ishki ister departamentiniń baspasóz qyzmeti. Sýret: faminta.com.